Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Biznes

FMN: Recesioni i  pandemisë ka goditur më keq gratë, qeveritë duhet të veprojnë

FMN: Recesioni i  pandemisë ka goditur më keq gratë,

Recesioni pandemik po dëmton gratë më shumë sesa burrat, e do të zbrapsë  potencialisht vite të tëra përparimi nëse ligjvënësit nuk rrisin përpjekjet për të përmirësuar kushtet për gratë, paralajmërojnë ekonomistë të Fondit Monetar Ndërkombëtar.

"Pandemia Covid-19 kërcënon të zbehë gjithë çfarë kanë arritur gratë në raport me mundësitë ekonomike të tyre, duke zgjeruar boshllëqet gjinore që vazhdojnë pavarësisht 30 vitesh avansimi," deklaruan zyrtarë të FMN të udhëhequr nga Kristalina Georgieva.

Ndryshe nga recesioni i vitit 2008, të cilit disa i vunë nofkën  "njeri-cesion", humbjet e vendeve të punës këtë radhë janë veçanërisht të mprehta në fushat ku gratë përfaqësohen në mënyrë disproporcionale – sidomos kur mbështeten tek ndërveprimi ballë për ballë, si tregtia me pakicë, turizmi dhe mikpritja.

Në Shtetet e Bashkuara, për shembull, gratë kishin përpara pandemisë gjysmën e vendeve në sektorin e shërbimit sipas Byrosë së Statistikave të Punës.

Ekonomistët thonë se do të duhet një kohë e gjatë derisa  ky sektor të kthehet aty ku ishte përpara se Covid-19 ta bënte pjesën dërrmuese të modelit të tij të biznesit të parealizueshme përballë masave të distancimit social.

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore