Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Bota

Covid-19/ Kina i fut me detyrim ujgurët për të prodhuar në masë pajisje mjekësore dhe maska

E Martë 21 Korrik 2020, 12:50 Gazeta Shqip

Covid-19/ Kina i fut me detyrim ujgurët për të prodhuar në

Kina përdor punën e detyruar të ujgurëve për të prodhuar në masë pajisje mjekësore dhe maska që eksportohen globalisht!

Kompanitë kineze po përdorin një program pune të detyruar ndaj pakicave muslimane ujgure për të prodhuar maska dhe pajisje të tjera mbrojtëse, në mënyrë që t`I bëjë ballë kërkesës së madhe gjatë pandemisë së koronavirusit.

Një hetim i  New York Times tregon se ndonëse pjesa më e madhe e pajisjeve të prodhuara në këtë mënyrë shkojnë për përdorim të brendshëm, disa ndërmarrje kineze që janë bërë pjesë e këtij programi, kanë dërguar sasi të tyre edhe në tregjet jashtë kufijve, përfshirë Shtetet e Bashkuara.

Të paktën një dërgesë mësohet t`i ketë shkuar një kompanie të furnizimit mjekësor në Xhorxhia pikërisht nga një fabrikë në provincën kineze të Hubeit, ku ishin caktuar të punonin për këtë qëllim më shumë se 100 ujgurë.

Programi në fjalë përfshin transferimin e ujgurëve nga shtëpitë e tyre në rajonin e Xinjiang nëpër fabrika dhe punë të tjerë shërbimi. Atyre u kërkohet të mësojnë gjuhën mandarine dhe të zotohen për besnikëri ndaj Kinës në ceremonitë e përjavshme të ngritjes së flamurit. Përpara se të godiste pandemia, vetëm katër kompani në Xinjiang prodhonin pajisje mbrojtëse mjekësore.

Deri në 20 qershor, numri I tyre shkoi në të paktën 51 kompani , e nga këto thuhet se të paktën 17 morën pjesë në programin shtetëror të punës që perfshin punëtorë Ujgure. Media shtetërore kineze e trumpeton programin si ndihmë për t`i larguar ujgurët nga varfëria duke I dhënë një punë e duke eleminuar ekstremizmin fetar. Por dënimet dhe kuotat e vendosura nga qeveria kineze sugjerojnë se pjesëmarrja në program është e pavullnetshme.

 

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore