Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Bota

Ceremonia e inaugurimit të Joe Biden, Ivanka Trump bën kthesën e papritur

E Enjte 14 Janar 2021, 14:05 Gazeta Shqip

Ceremonia e inaugurimit të Joe Biden, Ivanka Trump bën kthesën e

Pak ditë më parë qarkulloi lajmi se vajza e Donald Trump do të merrte pjesë në inaugurimin e presidentit të zgjedhur të Shteteve të Bashkuara të Amerikës, Joe Biden.

Pavarësisht lajmeve që qarkulluan, Ivanka Trump nuk do të marrë pjesë në inaugurimin e presidentit të zgjedhur Joe Biden në 20 Janar. 

“Ivanka nuk pritet të marrë pjesë në inaugurim dhe as nuk u prit ndonjëherë,” tha një zyrtar i Shtëpisë së Bardhë, shkruan revista 'People' .

Lajmi vjen një javë pasi një turmë e dhunshme e mbështetësve të Trump zbriti në Capitol Hill, duke hyrë në ambientet e brendshme të senatit.

Pesë persona humbën jetën si rezultat i dhunës së kryer atë ditë. Ndërsa babai i saj është dënuar gjerësisht për nxitjen e dhunës në Capitol, 39-vjeçarja gjithashtu është kritikuar për një postim në Twitter, që më pas u fshi, në të cilin ajo e quajti grupin “Patriotë Amerikanë”.

Pasi fshiu postimin, Ivanka shkroi: “Protesta paqësore është patriotike. Dhuna është e papranueshme dhe duhet të dënohet në termat më të fortë“. Vetë Donald Trump ka deklaruar se do ta bojkotojë ceremoninë e betimit të Joe Biden.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore