Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Bota

Biden nis menjëherë punën, do të ndryshojë marrëveshjen e Trump me...

E Shtunë 23 Janar 2021, 12:37 Gazeta Shqip

Biden nis menjëherë punën, do të ndryshojë

Shtetet e Bashkuara synojnë të rishikojnë marrëveshjen e arritur me talibanët vitin e kaluar, ashtu që të vërtetojnë nëse grupi militant është duke realizuar përkushtimet e bëra sipas marrëveshjes afgane për paqe. Jake Sullivan, këshilltari për siguri kombëtare i presidentit amerikan Joe Biden, ka folur me homologun e tij afgan, Hamdullah Mohib, ka njoftuar Shtëpia e Bardhë më 22 janar.

Sipas marrëveshjes mes Shteteve të Bashkuara dhe talibanëve, të nënshkruar në shkurt të vitit të kaluar, të gjitha forcat e huaja do të largohen nga Afganistani në maj të vitit 2021, në këmbim të ofrimit të garancive për siguri nga grupi militant, përfshirë shkëputjen e lidhjeve me Al-Kaidën.

Disa talibanë të burgosur shihen duke u liruar nga një burg në Bagram, Afganistan. Qeveria afgane dhe negociatorët talibanë kanë bërë përparim të vogël prej kur kanë nisur bisedimet në Katar, në vjeshtë të vitit 2020. Ulja e shkallës së dhunës dhe thirrjet për armëpushim, kanë qenë ndër temat kyçe të diskutimit.

Sullivan ka theksuar se administrata e re Biden “do të mbështesë procesin e paqes përmes përpjekjeve diplomatike, të cilat synojnë t’iu ndihmojnë palëve të arrijnë marrëveshje të qëndrueshme dhe armëpushim të përhershëm”, është thënë në deklaratë. Shtetet e Bashkuara do të rishikojnë edhe marrëveshjen e arritur në kohën e administratës së ish-presidentit amerikan, Donald Trump, “për të vërtetuar nëse talibanët janë duke vepruar sipas përkushtimeve për të shkëputur lidhjet me grupe terroriste, për të ulur shkallën e dhunës në Afganistan, dhe nëse po marrin pjesë në negociata kuptimplota me Qeverinë afgane”.

Sullivan dhe homologu i tij afgan kanë diskutuar edhe “mbështetjen e Shteteve të Bashkuara për mbrojtje të arritjeve të jashtëzakonshme të grave, vajzave dhe grupeve pakicë në Afganistan, në kuadër në procesit të paqes”.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore