Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Biznes

Ruçi takon Shehun: KLSh, gardian i fondeve e pronës publike, duhen auditime të paanshme

E Martë 28 Korrik 2020, 12:40 Gazeta Shqip

Ruçi takon Shehun: KLSh, gardian i fondeve e pronës publike, duhen

Kryetari i Kuvendit, Gramoz Ruçi, u takua sot me Kryetarin e Kontrollit të Lartë të Shtetit, Arben Shehu.

Kryetari i Kontrollit të Lartë të Shtetit, Arben Shehu, e falënderoi Kryetarin e Kuvendit për mbështetjen dhe e informoi mbi punën dhe veprimtarinë e institucionit për rritjen  e performancës, ndjekjen me rigorozitet të detyrave që i ngarkojnë Kushtetuta dhe ligjet si edhe vlerësimin për përmirësime të mundshme të kuadrit ligjor dhe institucional.

Sipas njoftimit për shtyp, kryeparlamentari e uroi Kryetarin e KLSh-së, z. Arben Shehu, për detyrën shumë të rëndësishme që i është ngarkuar dhe rekomandoi disa prioritete të punës së këtij institucioni në të ardhmen.

“KLSH duhet të vijojë e të thellojë përpjekjet për forcimin e pavarësisë së institucionit, për auditime të paanshme dhe objektive. Zbatimi i rekomandimeve të KLSH-së është i rëndësishëm për të thelluar luftën kundër korrupsionit, edhe si një instrument për rritjen e kontrollit parlamentar, pasi KLSH adreson rreth 4000 rekomandime në vit.

KLSH duhet të identifikojë njësitë publike, të cilat nuk janë kontrolluar asnjëherë këto vite, si edhe të rrisë transparencën dhe komunikimin interaktiv me qytetarët, për t’u bërë gardian i pa kompromis për mirë përdorimin e fondeve dhe pronës publike”, nënvizoi Ruçi.

Ai vuri në dukje edhe disa detyra të KLSH-së në kuadrin e përmbushjes së rekomandimeve të Progres-Raportit të BE-së, si zbatimin e plotë të standardeve të Organizatës Ndërkombëtare të Institucioneve Supreme të Auditimit, përmirësimin e cilësisë së auditimit, këmbënguljen për zbatimin në kohë të rekomandimeve të auditimit.

Ruçi takon Shehun: KLSh, gardian i fondeve e pronës publike, duhen

Ruçi takon Shehun: KLSh, gardian i fondeve e pronës publike, duhen

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore