Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Biznes

Rritja ekonomike 17.9%, Tabaku: Shifra artificiale! Janë vetëm pagesat që lidhen me zgjedhjet

Rritja ekonomike 17.9%, Tabaku: Shifra artificiale! Janë vetëm pagesat

Deputetja e Partisë Demokratike, Jorida Tabaku, gjatë fjalës në seancën plenare të ditës së sotme, foli rreth situatës ekonomike në vend dhe rritjes së çmimeve.

Tabaku u shpreh se rritja ekonomike me 17.9% që po trumbetohet nga qeveria, ka të bëjë vetëm me pagesat e bëra gjatë periudhës së zgjedhjeve, ku pjesën më të madhe të shpenzimeve e zë rindërtimi me 120 milionë euro.

Teksa tha se varfëria është rritur nga 35% në 41%, Tabaku theksoi gjithashtu se në periudhën e pandemisë janë shtuar rreth 100 mijë të papunë.

Sipas saj, garancia sovrane që u vendos në shërbim të bizneseve, në 50% të saj u shfrytëzua nga klinentët e qeverisë.

"Zonja Nikolla nuk ju bën nder që të dilni dhe të qurraviteni nëpër ekrane të televizioneve se çdo bëni për opozitën. Nder ju bën që kur jeni këtu t’i jepni fjalën opozitës. U bënë tre herë që më ndërprisni fjalën, për më tepër që jam zonjë, që jam kryetare komisioni dhe kam të drejtë të flasë edhe për procedurë edhe për rendin e ditës të flas kështu që më lejoni të mbaroj të flas. Dëgjuam këtu një sërë të pavërtetash, dëgjuam shtrembërime, por askush nuk tha që 100 mijë shqiptarë dolën nga puna gjatë pandemisë. Në 9 mars kur u mbyll e gjithë Shqipëria e gjithë qeveria u zhduk për 4 javë, nuk dukej askush askund.. i lanë shqiptarët në mëshirë për një vit të tërë dhe krenohen që i dhanë shqiptarëve 3 paga kur rënie ekonomike shkoi -11%.
120 milionë euro i dhanë ekonomisë dhe fondin e garancisë që vunë në shërbim 50% ia dhanë koncesionarëve, ia dhanë atyre koncesionarëve që përdorin buxhetin e shtetit.

Si sot që i keni dhënë atij që i ka vënë traun tek rruga e kombit 57 mln euro nga taksat e buxhetit të shtetit për një rrugë që është ndërtuar nga buxheti i shtetit.
Ndërkohë që i gjithë buxheti, duke i lënë shqiptarët në mëshirë, nuk është në shërbim të investimeve, as qytetarëve, as në funksion të pandemisë, nuk është as të ekonomisë por është në shërbim të 11 personave.

Të cilët kanë grabitur parlamentin dhe Shqipërinë. Varfëria sot është 41% ndërkohë që ka qenë 35% përpara krizës. Këto janë fakte dhe nga dokumentet e prodhuara dhe nga qeveria.

Ekonomia është rritur me 17% ndërkohë që SHBA e ka rritur me 6% ndërkohë që qeveria e paska rritur me 17.9%. Kush kupton pak, e njeh që kjo është një rritje asgjë kur nisesh nga një rënie -11%. Kush është rritur? E gjitha rrotullohet rreth ditës së zgjedhjeve, 120 milionë euro të rindërtimit kanë rritur ekonominë. Bujqësia që duhet të kishte rritjen më të madhe, ka rënien më të madhe dhe rritje të papunësisë.

E gjithë rritja artificiale janë vetëm pagesat që lidhen me ditën e zgjedhjeve, asgjë. Shqipëria reale është ajo që po përjeton inflacionin, që ka një rritje rreth 30% dhe që del ministri i Ekonomisë dhe thotë shumë mirë që nuk morën gjobë kompanitë dhe krenohet me vendimet që mbrojnë biznesin dhe jo qytetarin. Kjo është qeveria e majtë, që mbron gjithmonë të madhin e gjithmonë penalizon të voglin’, tha Tabaku.

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore