Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Biznes

Lufta ndaj informalitetit, Tatimet do të kontrollojnë pasuritë e biznesit

E Hënë 15 Shkurt 2021, 07:45 Gazeta Shqip

Lufta ndaj informalitetit, Tatimet do të kontrollojnë pasuritë e

Lufta ndaj informalitetit gjatë vitit 2021 do të kalojë në një nivel tjetër dhe do të përqendrohet kryesisht në dy linja, sipas programit të fundit ekonomik të qeverisë.

E para, zbulimi i të ardhurave globale të padeklaruara nga taksapaguesit dhe individët, përmes shkëmbimit automatik të informacionit mbi llogaritë financiare në 2021 e në vazhdim, nën Standardin e Përbashkët të Raportimit në OECD.

E dyta synon ndërtimin e Regjistrit të Pasurive të Tatimpaguesve (materiale dhe financiare) me qëllim ngritjen e një sistemi për të verifikuar dhe për të gjurmuar të ardhurat e taksapaguesve dhe kontroll më i plotë i pagesave të bëra për taksat e pronës, njofton Ministria e Financave.

Sipas planit të financave, Regjistri i Pasurive do të krijojë të dhëna për pasuritë që bizneset kanë në zotërim. Duke parë regjistrin e pronave më pas do të verifikohet nëse këto i kanë paguar të gjitha taksat që lidhen me to. Taksat mbi pronën karakterizohen nga një evazion i lartë, teksa përpjekjet për kadastrën fiskale ende nuk janë finalizuar tërësisht.

Regjistri i Pasurive të Taksapaguesve do të kalojë nëpër 3 faza. E para synon krijimin e Regjistrit me pasuritë përkatëse. E dyta synon shkëmbimin e të dhënave në internet dhe e treta, analizimin e të dhënave me raportet dhe pasqyrat financiare të bizneseve.

Drejtoria e Përgjithshme e Tatimeve synon të luftojë evazionin duke verifikuar fshehjen e të ardhurave në llogaritë jashtë vendit nëpërmjet Shkëmbimit Automatik të Informacionit. Informacioni për t’u shkëmbyer përfshin balancat e llogarive financiare në fund të vitit që raportohet, fitimet kapitale (përfshirë interesat, dividendët, të drejtat dhe të ardhurat nga shitja e aseteve financiare), të raportuara te qeveritë nga institucionet financiare, duke mbuluar llogaritë e mbajtura nga individët dhe entitetet përfshirë trustet dhe fondacionet.

Sipas Ministrisë së Financave procesi i fiskalizimit do të jetë një hap tjetër për luftën kundër informalitetit. Fiskalizimi pritet të ndihmojë në trajtimin e evazionit fiskal, mashtrimit tatimor dhe informalitetit, duke përdorur monitorimin në kohë reale të transaksioneve financiare ndërmjet tatimpaguesit.

Shqipëria ende vuan nga një nivel i lartë i evazionit fiskal. Me gjitha masat e marra të ardhurat e grumbulluara në buxhet nuk kalojnë të 27% të PBB niveli më i ulët në Europë dhe Rajon. Evazioni është burimi kryesor për rritjen e të ardhurave, një objektiv që nuk po mund të realizohet nga qeveritë e vendit tonë./Monitor

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore