Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Biznes

Ligji në Parlament, shtyhet afati për rivlerësimin e banesave

E Hënë 21 Dhjetor 2020, 12:21 Gazeta Shqip

Ligji në Parlament, shtyhet afati për rivlerësimin e banesave

Qeveria ka depozituar në Parlament për të tretën herë nismën për shtyrjen e afatit për rivlerësimin e pasurive të paluajtshme. Projektligji përbëhet nga 3 nene, ku 2 nenet e para parashikojnë që periudha “... deri në datën 31 dhjetor 2020 ...” të zëvendësohet me “... deri në datën 30 shtator 2021 ...” dhe neni 3 parashikon hyrjen në fuqi të tij.

Shkaku i kësaj shtyrjeje mësohet se lidhet me situatën e Covid dhe pasi ka penguar në kryerjen e pagesave.

Sipas relacionit të depozituar në Parlament theksohet se “nga periudha 17 janar 2020, datë në të cilën ka hyrë në fuqi ligji nr.90/2019, deri në 20 nëntor 2020, numri i aplikimeve për rivlerësimin e pasurive ka arritur masën 51 917 aplikime, ndërkohë që nga ky numër aplikimesh vetëm 26 267 aplikantë kanë kryer pagesat e rivlerësimit. Pra kemi rreth 49% të totalit të aplikantëve të cilët nuk kanë kryer akoma pagesat e rivlerësimit, për të cilët mendohet të ketë ndikuar edhe situata ekonomike e shkaktuar nga COVID-19”.

Qeveria thekson se me synimin për t’i dhënë kohën e mjaftueshme të gjithë atyre individëve apo subjekteve tatimore që kanë interes ta kryejnë procesin e rivlerësimit të pasurive të paluajtshme, marrë shkak dhe nga parashikimi prej 7% i rritjes ekonomike nominale për vitit 2021, propozojmë zgjatjen e afatit të aplikimit të ligjit deri më 30 shtator 2021.

Brenda 9 muajsh shqiptarët mund të kenë mundësi të vlerësojnë shtëpitë e tyre, duke arritur kështu që prona e tyre të mbajnë një vlerë më të lartë, si dhe duke i shmanguar pagesës së taksës prej 15% të tatimit mbi fitimit në rast se duan ta shesin pronën e tyre.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore