Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Biznes

Kriza e Covidit: Kina lë pas Europën dhe Amerikën- ekonomia kineze rritet më shpejt se e gjithë pjesa tjetër e botës 

E Hënë 27 Korrik 2020, 16:51 Gazeta Shqip

Kriza e Covidit: Kina lë pas Europën dhe Amerikën- ekonomia

Kina duket se po i drejtohet një rritjeje të shpejtë ekonomike pas krizës botërore të shëndetit, që nisi pikërisht prej saj. Në të njëjtën kohë sakaq, ekonomitë e Shteteve të Bashkuara dhe Europës duket se kanë mbetur pas, sipas ekspertëve të Business Insider. 

Christophe Barraud, kryekonomist dhe strateg i Market Securities shpjegoi arsyet e këtij fenomeni. “ Rritja potenciale reale e PBB-së është shumë më e lartë në Kinë sesa në ekonomitë e avansuara. Potenciali kinez është afro 6% krahasuar me potencialin e këtyre ekonomive që shkon tek 1.5%”, thotë ai.  

Barraud beson se për Europën dhe Shtetet e Bashkuara të Amerikës, do të jetë e pamundur të arrijnë nivelin e tremujorit të katërt të 2019-tës përpara vitit 2022. Ekonomia e Kinës avansoi me 3,2% në tremujorin e dytë në terma vjetore, dhe me 11% krahasuar me tremujorin e parë, duke kapërcyer dhe parashikimet e ekspertëve.

Barraud mendon se kjo i detyrohet në një farë mase edhe masave të rrepta që Kina mori në fillimin e shpërthimit epidemik. “ Në Europë zgjati shumë që virusi të vihej nën kontroll, prandaj dhe ekonomive europiane do t`i duhet më shumë kohë që të arrijnë nivelin e rritjes përpara Covid 19-tës”, shprehet ai.  

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore