Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Biznes

Interes 3.75 për qind / Shqipëria siguron 650 mln euro nga Eurobondi

Interes 3.75 për qind / Shqipëria siguron 650 mln euro nga Eurobondi

Qeveria njoftoi emëtimin e Eurobondit prej 650 milionë eurosh, me kupon prej 3.5 për qind, interes 3.75 për qind dhe afat maturimi 10-vjeçar.

Në deklaratën e shpërndarë për mediat, Qeveria thotë se eurobondi “rikonfirmon besimin e investitorëve dhe tregjeve ndërkombëtare financiare, emeton me sukses Eurobondin e ri 10-vjecar. Ditën e sotme Republika e Shqipërisë doli në tregjet ndërkombëtare financiare me një obligacion ndërkombëtar të ri 10-vjeçar në vlerën prej 650 milion € me një kupon prej 3.50% me interes 3.75%”, thuhet në deklaratë.

Sipas Qeverisë, “investitorët treguan besim duke shprehur interes në oferat që kaluan 1.8 herë vlerën e kërkuar. Ky ishte një test real për ekonominë shqiptare, që rikonfirmon besimin e tregjeve në qëndrueshmërinë e ekonomisë shqiptare edhe në kohë të vështira, pas goditjes së tërmetit dhe pandemisë”.

Transaksioni shënon rikthimin e suksesshëm të Republikës së Shqipërisë në tregjet ndërkombëtare të kapitalit, duke pasuar emetimet e mëparshme të realizuara në 2015 dhe 2018, 2020, ku u arrit financimi me po të njëjtin kupon si në 2020, 3.5 për qind, por këtë herë me një afat maturimi 10-vjeçar.

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore