Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Biznes

Guidat turistike, kontrolli për Covid në duart e klientëve

Guidat turistike, kontrolli për Covid në duart e klientëve

Në një kohë kur bizneset turistike po përjetojnë ditët e tyre më të këqija, shpresa e vetme e tyre janë paketat turistike që ofrojnë brenda vendit dhe paketat turistike me Turqinë, që këtë vit ka reduktuar ndjeshëm numrin e tyre.

Ato që po e ndjejnë krizën e shkaktuar nga pandemia e Covid-19 më së shumti janë agjencitë e vogla turistike të cilat shpresat e fitimit I kanë me shitjet e paketave ditore apo 5-6 ditore që ofrojnë në zona të ndryshme turistike brenda vendit.

Por çfarë po ndodh me guidat turistike? Të lëna paksa jashtë vëmendjes së Task-Force, ato prej fillimit të muajit korrik kanë nisur turet turistike që kanë si destinacion jo vetëm bregdetin por dhe turizmin malor.

Të pyetur nga Gazeta “Shqip”, disa prej përfaqësuesve të agjencive turistike pranuan se kontrollin shëndetësor e kanë lënë në duart e klientëve.

“Ne nuk masim temperaturën, sa i takon masave anti-covid ja kemi lënë në dorë klientëve. Ne kemi kërkuar pajisjen e tyre me maska e doreza, por temperatura nuk matet”, u shpreh një prej guidave turistike më të njohura në Tiranë.

Por nga informacionet mësohet se mes personave që zgjedhin të pushojnë në jug ka pasur të infektuar. Kështu, në një nga hotelet e Qeparoit apo në Dhërmi mësohet se janë infektuar pothuajse një familje e tërë. Nuk dihet nëse bizneset respektojnë me rigorozitet masat për dezinfektimin e ambienteve të tyre, duke qenë se jemi në kulmin e sezonit turistik.

Të etur për të përfituar sa më shumë nga sezoni që kulmin e ka në muajin gusht, duket  se bizneset po neglizhojnë më kryesoren, shëndetin e turistëve, klientëve.

 Një tur përbëhet nga maksimumi 20 persona të cilët janë të detyruar të ndjekin programin e guidës, të organizohen me aktivitete dhe të konsumojnë vaktet e ushqimit së bashku në tryezë. Por grumbullimet sipas ekspertëve të shëndetit publik, janë një nga shkaqet e infektimit nga virusi Covid-19.

E ndërsa biznesi e ka lënë gjithçka në dorë të klientit, duhet që strukturat përgjegjëse të zbatojnë procedurat e të monitorojnë guidat turistike, si biznesi që po operon në këtë periudhë në të gjithë zonat turistike në vend.

©Copyright Gazeta Shqip

Ky artikull është ekskluziv i Gazetës Shqip, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar Gazeta Shqip dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.

 

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore