Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Biznes

Frika nga zgjatja e pandemisë, rritet çmimi i floririt! 

E Hënë 27 Korrik 2020, 17:01 Gazeta Shqip

Frika nga zgjatja e pandemisë, rritet çmimi i floririt! 
Çmimi i arit është rritur ndjeshëm këto kohë, mes frikës se zgjatja e pandemisë së koronavirusit do të ngadalësojë ritmin e rimëkëmbjes së ekonomisë globale, ndërsa vazhdojnë të ashpërsohen dhe tensionet gjeopolitike mes SHBA-së dhe Kinës.

Shtimi i numrit të të infektuarve në SHBA dhe në rajone të tjera ka zbehur shpresat e një ringjallërimi të shpejtë të ekonomisë. Nga ana tjetër, përplasjet mes Washingtonit dhe Pekinit kanë ndikuar në rritjen e cmimit të floririt, i cili vazhdon të perceptohet si investim i sigurtë në kohë të paqëndrueshme.

Kështu, një ons ar (që do të thotë 31.1 gramë),  u shit 1% më shtrenjtë mëngjesin e së hënës, duke mbërritur nivelin rekord të 1.944 dollarëve, e duke kapërcyer rekordin e shtatorit 2011. Përpara pandemisë, shumica e bankave private i rekomandonin klientëve të tyre që vetëm një pjesë të vogël të pasurisë ta ruanin në flori.

Por tani, disa prej tyre i këshillojnë që klientët ta kthejnë në flori deri në 10% të “portofolit” të tyre, duke qenë se dhe masat stimuluese të bankave qendrore e bëjnë më tërheqëse një mundësi të tillë.  

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore