Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Biznes

Fiskalizimi, Denaj: Formalizon biznesin, të dhënat transmetohen në kohë reale

Fiskalizimi, Denaj: Formalizon biznesin, të dhënat transmetohen

Procesi i Fiskalizimit do t’i shërbejë bizneseve, formalizimit, leximit më të mirë të të dhënave, si dhe Administratës Tatimore për të përpunuar të dhëna në kohë reale.

Kështu deklaroi sot ministrja e Financave dhe Ekonomisë, Anila Denaj gjatë një tryeze konsultimi me përfaqësues të shoqatave të biznesit për procesin e Fiskalizmit që ka nisur që më 1 janar.

Gjatë këtij takimi, ministrja Denaj shprehu rëndësinë që ka reforma e Fiskalizimi, e cila synon zvogëlimin e evazionit fiskal në transaksionet me dhe pa para në dorë. Në procesin e Fiskalizimit, të gjitha transaksionet (faturat) raportohen në kohë reale në Administratën Tatimore.

“Risitë digjitale na ndihmojnë sot për të vendosur përpara disa sisteme, disa protokolle të cilat në gjuhën më të thjeshtë janë pjesë e fiskalizimit. Fiskalizimi është një “Software idea”, që ndihmon edhe bizneset, edhe administratën tatimore të lexojnë të dhënat, të cilat procesohen, si në raport me entet publike dhe bizneset kur ato kanë marrëdhënie me njëra - tjetrën, biznes me biznese kur kanë marrëdhënie nëpërmjet llogarive bankare apo marrëdhënia “cash” me konsumatorin kur ndodh në sportele apo në forma të tjera”, tha ministrja.

Sipas saj, të tri këto marrëdhënie janë pjesë e reformës së fiskalizimit, por meqenëse është një reformë e cila do kohën e saj për t’u kuptuar dhe adaptuar, do të bëhet në disa faza.

Në këtë tryezë të pranishëm ishin drejtoresha e Përgjithshme e Tatimeve, Delina Ibrahimaj, si dhe Prefekti i Elbasanit, Klevis Xhoxhi.

Drejtoresha e Përgjithshme e Tatimeve, Ibrahimaj, shpjegoi anën teknike të funksionimit të këtij procesi, ku vetëm për janarin sipas saj, procesi i fiskalizimit filloi në rreth 1.200 ente publike dhe 7.600 tatimpagues.

“Deri më sot, janë rreth 354 fatura, të cilat janë lëshuar elektronikisht nëpërmjet softeve apo portalit “Self care”, tha Ibrahimaj.

Ministrja Denaj dhe kreu i Tatimeve, Ibrahimaj po zhvillojnë një tur takimesh në të gjitha qytetet kryesore të vendit, me shoqatat e bizneseve me përfaqësuesit e tyre me qëllim që të kuptojnë problematikat që mund të kenë bizneset apo barrierat që mund të kenë bizneset për procesin e fiskalizimit.

Fiskalizimi, Denaj: Formalizon biznesin, të dhënat transmetohen

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore