Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Biznes

"3 tenderat korruptivë". PD: 40 milionë euro dëm, SPAK të hetojë

"3 tenderat korruptivë". PD: 40 milionë euro dëm, SPAK

Partia Demokratik bëri thirrje sërish  SPAK që të hetojë urgjentisht shkaktarët e kësaj krize korrupsioni dhe abuzimet që rëndojnë qytetarët me rritje çmimesh. Në një deklaratë për median nga selia blum deputetja Ilda Dhori u shpreh se vetëm në 3 tenderat për blerjen e energjisë dhe në infrastrukturë, qeveria u ka shkaktuar qytetarëve shqiptarë një dëm ekonomik prej 40 milionë eurosh.

Sipas saj, vetëm në 3 tendera korruptivë, qeveria shkakton një dëm 40 milion euro. Ja pse kriza nuk është energjetike nga tregjet ndërkombëtare, por krizë korrupsioni nga qeveria.

DEKLARATË E PARTISË DEMOKRATIKE, DEPUTETJA ILDA DHORI

Prej ditësh qeveria po përpiqet të shesë si krizë energjie, krizën e korrupsionit dhe keqmenaxhimit të KESH dhe OSHEE.

Pas kësaj krize, qeveria po përpiqet të fshehë përgjegjësitë e saj, për gjendjen ekonomike në të cilën ndodhet shumica e familjeve shqiptare dhe sipërmarrësit e ndershëm, që nuk konkurojnë dot në një ekonomi jo konkuruese, të përqëndruar në pak duar.
Që kjo është një krizë korrupsioni dhe jo energjie, kuptohet edhe nga zgjedhjet e papërgjegjshme që qeveria ka bërë vetëm midis muajve shtator dhe tetor.

Sepse ndërkohë që flasin për krizë, u kanë shkaktuar qytetarëve shqiptarë një dëm ekonomik prej 40 milionë eurosh.

1) 10.6 milionë euro për blerjen e energjisë me çmimin më të lartë se bursa nga ana e OSHEE;

2) 12 milionë euro, duke përzgjedhur kompaninë me ofertën më të shtrenjtë për tunelin e Llogarasë;

3) 17.4 milionë euro, duke përzgjedhur ofertat më të shtrenjta për ndërtimin e Unazës së Madhe të Tiranës.

Pra, të nderuar qytetarë, kriza për të cilën flasin, është për ju, jo për qeverinë.
Sepse ndërkohë që varfëria, papunësia, çmimet dhe listat nëpër dyqane rriten, qeveria vazhdon të dëmtojë interesat e qytetarëve shqiptarë.

Partia Demokratike ka denoncuar dhe do të denoncojë të gjitha skandalet e kësaj qeverie dhe i bëjmë thirrje SPAK të hetojë me përparësi këto shpërdorime, me taksat e shqiptarëve duke i dhënë fund pandëshkueshmërisë.

Qytetarët e vendit më të varfër në Europë, nuk mund të paguajnë nga xhepat e tyre abuzimet e qeverisë më të korruptuar në Europë.

"3 tenderat korruptivë". PD: 40 milionë euro dëm, SPAK

Denonco

Keni informacion në interes të publikut? Dërgojeni në Shqip duke klikuar këtu.

 
Poll

Aktualitet

Ndiqni të gjitha lajmet e fundit
në rrjetet tona shoqërore