Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Arti

U dekorua nga presidenti i Italisë, virtuozi Olen Cesari rrëfen emocionet për "Zona Zero": Ngela 5 minuta pa fjalë

E Enjte 14 Tetor 2021, 19:07 Gazeta Shqip

U dekorua nga presidenti i Italisë, virtuozi Olen Cesari rrëfen

Violinisti virtuoz shqiptar Olen Cesari u dekorua nga Presidenti i Italisë si “Commendatore dell’Ordine della Stella d’Italia”, “Komendador i Urdhrit të Yllit të Italisë.

“Artisti Italian dhe Shqiptar me vlerë të jashtëzakonshme e ka bërë artin e tij një mjet unik integrimi”, thuhet në tekstin e motivimit që shoqëron titullin për yllin shqiptar të skenave botërore.

Për emisionin “Zona Zero” në Top News, Cesari tregoi edhe emocionet e para pasi mori titullin. Ai pranoi se titulli i shkaktoi emocione dhe qendroi 5 minuta pa folur.

“Domethënia më e rëndësishme për mua është që më lejuan që ta marr në Shqipëri. Të marrësh një medalje nga shteti Italian peshon shumë, dhe ta marrësh në Shqipëri peshon akoma më shumë. Ndjesia ishte çudi. Çudi që kishte ardhur në atë moment, në atë ditë. Ishte çudia e bukur e ditës. U mbështeta në një kolonë aty te shtëpia dhe qëndrova 5 minuta pa folur.

Reflektimi im i parë ishte sesa të aftë janë italianët për ta vlerësuar artistin e tyre, se unë jam edhe artist italian. Unë kam bërë nja 70 koncerte për italianët nëpër botë”, tha virtuzi shqiptar.

Cesari kërkon që qeveria shqiptare t’u kushtojë më shumë vëmendje artistëve shqiptare nëpër botë, pasi janë “ambasadorë real” të vendit tonë.

“Shqipëria ka artistë kalibri në botë. Janë ambasadorë real. Shteti duhet t’i suportojë dhe përdorë këta artistë më shumë”, tha Cesari./Gazeta SHQIP

 

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore