Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Arti

Skandali me logon e re të TOB/ U mor plagjiaturë për 10 euro në internet, profesori i njohur: Turp i madh

E Mërkurë 10 Shkurt 2021, 13:47 Gazeta Shqip

Skandali me logon e re të TOB/ U mor plagjiaturë për 10 euro

Një skandal i vërtetë ka përfshirë Teatrin e Operas dhe Baletit me logon e re. TOB vendosi të ndërmerrte një konkurs për logon e re dhe kompania fituese u shpërblye me 18 milionë lekë të vjetra.

Rezultati? Logoja e re e TOB është marrë në sajtin Freepik.com dhe është e kopjuar nga ky sajt. Ajo ka kushtuar vetëm 10 euro, aq vlen abonimi në një sajt të tillë.

Janë ndryshuar ngjyrat dhe është kthyer pak në një krah. Kompania fituese ka bërë dhe shpjegimin e logos, por duket qartë se është e marrë nga interneti. Reagimet në rrjet kanë qenë të shumta nga artistët dhe specialistët e fushës.

I ftuar në studion e emisionit “Shqipëria Live” në Top Channel për të folur rreth kësaj ngjarje ishte, prof.asc. i Universiteteve të Arteve, Ardian Isufi, i cili ka qenë i pari që ka denoncuar këtë rast.

Skandali me logon e re të TOB/ U mor plagjiaturë për 10 euro

“Është bërë e qartë nga të gjithë, ne kemi shumë dizajnë që e konstatojnë menjëherë plagjiaturën. Kemi të bëjmë me një proces përzgjedhje që lë shumë për të dyshuar deri në përfundim. Reagimi i TOB është shumë skematik, nuk i përgjigjet kërkesave të kohës”, tha Isufi.

Sipas tij, duhej që fillimisht të kishte një para komision që të shikonte logot pjesëmarrëse në konkurs dhe më pas t’ia dërgonin komisionit të fundit.

“Ky proces nuk është bërë dhe kjo është pjesë e fenomenit. Është shumë e lehtë ta kuptosh se është plagjiaturë, e ke në Free.com dhe të del imazhi. E rëndësishme është se kur flasim për një simbol kaq të rëndësishëm, duhet që institucionet ti kenë parasysh të gjitha. Ligji ecën në njërën anë, dhe njerëzit në anën tjetër. Duhej të kishte ekspertë të fushës në fillim, të kalonte në lupën e tyre dhe më pas të kalonte te juria. Është një turp i madh kjo logo”, tha profesori.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore