Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Arti

“Si është moti atje?” / Pyetja me të cilën Pique “mashtroi” Shakirën

“Si është moti atje?” / Pyetja me të cilën Pique

Gerard Pique dhe Shakira është një prej çifteve më të njohur dhe jetëgjatë të botës së sportit me atë të muzikës. Ata kanë dy fëmijë dhe dhjetë vite bashkë.

E duke kujtuar 10-vjetorin e martesës, mbrojtësi i Barcelonës dhe Spanjës rrëfen se si e njohur këngëtaren kolumbiane, që është 10 vite më e madhe se ai.

“Shakirën e takova për herë të parë në Madrid, teksa po filmonte videon e këngës së saj “Ëaka Ëaka” për Kupën e Botës 2010. I kërkova numrin. Ajo mbërriti në Afrikën e Jugut para nesh (skuadrës spanjolle), sepse do të këndonte në ceremoninë hapëse”, deklaron ai.

Mbrojtësi i Barcelonës kujton se i ka dërguar një mesazh të pazakontë. “I dërgova një mesazh duke e pyetur se si ishte moti atje, meqënëse ajo kishte shkuar disa ditë më parë”, ishte pyetja e Pique.

Me këtë pyetje, Gerard nuk ka dashur të mësojë motin, por të kuptojë nëse Shakira e pëlqente apo jo.

“Në përgjithësi, kur bën një pyetje kaq idiote, të përgjigjen shkurt: “është ftohtë, merr një xhaketë”. Por, ajo shkroi një mesazh të gjatë me detaje se si ndryshonin temperaturat gjatë ditës. I thashë vetes, kjo s’është normale. Detajet më treguan se ajo më pëlqente mua”, thotë Pique.

“Komunikuam me njëri-tjetrin gjatë Kupës së Botës, por e vetmja mundësi që unë ta shihja atë sërish ishte nëse do të shkoja në finale, sepse ajo do të përformonte në ceremoninë përmbyllëse. Prandaj, i thashë që nëse do të duhej të dilja në finale vetëm për ta parë, do ta bëja”, tregon mbrojtësi.

Fjalën e mbajti dhe në atë Botëror, Pique dhe Spanja jo vetëm që shkuan në finale, por edhe e fituan atë përballë Holandës me rezultatin 1-0.

 

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore