Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Arti

Shuhet në moshën 79-vjeçare poeti i njohur/ Nipi zbulon amanetin e Çipës: Ishte i sertë, më vonë kuptova vlerën e tij

E Enjte 18 Shkurt 2021, 13:11 Gazeta Shqip

Shuhet në moshën 79-vjeçare poeti i njohur/ Nipi zbulon

Është ndarë nga jeta në moshën 79-vjeçare poeti vlonjat, Lefter Çipa. Poeti ka ndërruar jetë pas një beteje të gjatë me një sëmundje të rëndë. Ai ka lënë pas një krijimtari të gjerë në libra e tekste këngësh.

Puntata e ditës së sotme e emisionit “Shqipëria Live” në Top Channel, nisi pikërisht me këtë ngjarje të trishtë. Në një lidhje të drejtpërdrejtë me emisionin ishte nipi i tij, Akri Çipa, i cili tha se “puna e Lefterit na ka ushqyer me dashuri për poezinë, për këngën shqipe”.

Shuhet në moshën 79-vjeçare poeti i njohur/ Nipi zbulon

Akri shton se me gjyshin ka patur një lidhje me zhvillim të veçantë. “Ka qenë i sertë dhe kur isha i vogël e kisha “frikë”, por më vonë kuptova vlerën, valencën e tij shpirtërore dhe artistike. Krijuam një marrëdhënie shumë të afërt si në anën artistike ashtu edhe personale”, tha nipi i të ndjerit.

Akri vijoi duke thënë se ikja e tij është një “humbje e madhe për mua, familjen dhe gjithë dashamirësit e tij”.

Gjithashtu nipi rrëfen se si ka qenë gjendja e tij shëndetësore së fundmi. “Për fat të keq ka qenë një periudhë e vështirë, ku ka patur dhimbje fizike. Por ka qenë i qartë dhe i kthjellët edhe në momentet e tij të fundit. Që në fëmijërinë time të hershme e mbaj mend gjyshin vetëm duke shkruar. Edhe në këtë javë të fundit, doli publikimi i tij i fundit më 14 shkurt, me rastin e ditëlindjes sime”, tha ai.

Akri tregoi edhe amanetin e gjyshit. Sipas tij, Lefteri ka kërkuar që të varrosej në Pilur.

“Ka qenë shumë i lidhur me vendlindjen e tij. Jetoi jetën ashtu siç ai donte, ishte një person me shpirt artisti. Ishte krenar për familjen e vet, fisin dhe gjithë miqtë e tij që i vlerësoi shumë. Mendoj se iku pa asnjë brengë”, përfundoi nipi.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore