Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Arti

Rita Ora elektrizoi skenën e “Eurovision”, mesazhi i veçantë që dha për Ukrainën

E Mërkurë 10 Maj 2023, 09:44 Gazeta Shqip

Rita Ora elektrizoi skenën e “Eurovision”, mesazhi i

Këngëtarja shqiptare me famë botërore, Rita Ora, ka qenë e ftuara kryesore në natën e parë gjysmëfinale të “Eurovision 2023” që po zhvillohet në Liverpul të Mbretërisë së Bashkuar.

Rita bëri një shfaqje shumë energjike teksa performoi disa prej hiteve të saj më të mëdha për gjysmëfinalen e parë të “Eurovision”-it.

Këngëtarja performoi gjithashtu këngën e saj të re “Praising You” për herë të parë live në ngjarjen e shumëpritur në një performancë spektakolare së bashku me 54 kërcimtarë.

Rita Ora elektrizoi skenën e “Eurovision”, mesazhi i

Në një postim prekës, Rita shpjegoi se asaj do t’i bashkohej në skenë balerina dhe refugjatja ukrainase Sofiia Kladko, 12 vjeçe, për performancën e saj. Ajo publikoi paraprakisht një fotografi të saj në prapaskenë me balerinën, e cila jeton në Warrington që nga viti 2022. Krahas fotografisë, ajo shkroi:

Kjo është Soffia, një kërcimtare dhe refugjate nga Rivne, në veriperëndim të Kievit. Ajo jeton në Warrington që nga viti 2022. Për mua, Soffia përfaqëson forcën dhe shpresën në këto kohë të trazuara, tragjike dhe të ndryshueshme. Ne nuk duhet të harrojmë privilegjin që ka Mbretëria e Bashkuar për të luajtur rolin e saj si komb pritës në Eurovision 2023 për Ukrainën pasi Kalush Orchestra fitoi konkursin vitin e kaluar.

Gjendja e familjes së Soffias më kujton udhëtimin e jashtëzakonshëm nëpër të cilin kaloi familja ime kur isha në moshën e saj dhe se si do t’i jem përgjithmonë mirënjohës Mbretërisë së Bashkuar që na tregoi mirësi dhe dhembshuri. Soffia hap performancën time këtë mbrëmje duke luajtur me një top, që përfaqëson humbjen e fëmijërisë për këta refugjatë të varfër. Shpresoj që ky konkurs i mrekullueshëm i këngës të hapë zemrat në të gjithë Evropën dhe botën. Të duam Ukrainë, të gjithë do të performojmë sonte, për ty.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore