Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Arti

Rekord në Artkand/ "Vjeshta" e Vangjush Mios shitet 12 mijë euro

Rekord në Artkand/ "Vjeshta" e Vangjush Mios shitet 12 mijë

Programi Artkand ka bërë një shitje rekord në episodin e 29-të. "Vjeshta", kjo vepër e vitit ’36 e Vangjush Mios, vaj në kanavacë, është shitur me vlerën 12 mijë euro. Vepra u publikua për herë të parë në Artkand. Ajo paraqet peisazhin e një prej rrugëve të fushës së Korçës.

Kjo nuk ishte e vetmja shitje, sepse edhe kjo "Natyrë e Qetë" e Alush Shimë, u shit me vlerën 3000 euro.

Në program për herë të parë u pasqyrua kjo vepër e quajtur “Maskat” e autorit Gazmend Leka. Teknikë e përzier, 55x70 cm, viti 1989, çmimi 2000 euro.

Kjo pikturë është një nga veprat e ciklit prej 300 vizatimesh, “Artistët e Rrugës”, krijuar në një vit aspak të lirë për artistët shqiptarë. Aso kohë vepra ka qenë pjesë e një këndvështrimi absurd dhe jashtë normales. Sot është një vepër që shënon pikën e kthesës në historinë e zhvillimit të artit të Lekës.

Edhe Simon Rrota, u prezantua në program nëpërmjet tablosë së fshatit të tij të lindjes, Fshati Shkjezë, vaj në kompesatë, 50x30cm, me çmimin fillestar 9000 euro.

Simon Rrota i përket tërësisht Shkodrës, duke pikturuar pothuajse gjithçka që nga tradita dhe kostumet popullore e deri tek rrugicat, njerëzit, portretet, pazarin.

Nën autorësinë dhe moderimin e Jetona Kocibellit dhe të ftuar Genc Përmetin, Artkand vjen çdo të shtunë në orën 11 live në ekranin e Top Channel.

 

 

 

 

 

 

Denonco

Keni informacion në interes të publikut? Dërgojeni në Shqip duke klikuar këtu.

 
Poll

Aktualitet

Ndiqni të gjitha lajmet e fundit
në rrjetet tona shoqërore