Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Arti

Ndarja nga jeta e Muharrem Fejzos, Reshat Arbana: U shkëput një gjerdan i kinemasë shqiptare

E Diel 22 Nëntor 2020, 11:40 Gazeta Shqip

Ndarja nga jeta e Muharrem Fejzos, Reshat Arbana: U shkëput një

Një humbje të madhe për artin. Kështu e ka cilësuar aktori i njohur i kinematografisë shqiptare, Reshar Arbana, ndarjen nga jeta e regjisorit Muharrem Fejzo.

Arbana tha se Fejzo ishte një prej regjisoreve më të mirë shqiptarë, ndërsa përveç se bashkëpunëtorë, ata ishin miq të ngushtë me njëri-tjetrin, raporton News24.

“Humbja e tij, lajm i trishtë për artin. U shkëput një gjerdan I kinemasë shqiptare. Me Muharremin kam luajtur me të tek ‘Fijet që Priten’. Ngushëllime familjes dhe të gjithë miqve të tij. Fejzo ishte një prej regjisoreve më të mirë shqiptarë. Ka qenë një prej miqve të mi më të mirë”, tha aktori Arbana.

Muharrem Fejzo ishte prej 2 javësh i shtruar në një spital në Itali, ndërsa ndërroi jetë në moshën 87-vjeçare pasi vuante nga një sëmundje e rëndë.

Ndërkohë edhe ministrja e Kulturës, Elva Margariti,ka reaguar në lidhje me vdekjen e regjisorit të njohur. Në një postim në “Facebook” ajo ka publikuar një foto të Fejzos dhe në të shkruan se “kapedani i filmit shqiptar u shua sot”.

“'Kapedani' i filmit shqiptar u shua sot.

Muharrem Fejzo, regjisori, skenaristi, piktori na la pas një pasuri të jashtëzakonshme, që do t'u flasë brezave.

Lamtumirë mjeshtër! ??”, shkruan Elva Margariti në postimin e saj.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore