Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Arti

Ndahet nga jeta profesori i njohur i Universitetit të Shkodrës

Ndahet nga jeta profesori i njohur i Universitetit të Shkodrës

Ndahet nga jeta ish-profesori i universitetit "Luigj Gurakuqi" të Shkodrës, Njazi Kazazi. Ai ishte në moshën 72-vjeçare. Profesor Njazi Kazazi njeri nder qytetaret e dobishëm te Shkodrës dhe kontribuues ne zhvillimin e arsimit.

Bir i një familje të njohur shkodrane, Njazi Kazazi, do t'i përkushtohej arsimit, fillimisht mësues në disa fshatra të Pukës, Shkodrës e Malësisë se Madhe, ku fitoi admirimin e banorëve për sjelljen e tij, edukatën, respektin ndaj tyre dhe pasionin për një mësimdhënie sa më të mirë të nxënësve. Ky përkushtim bëri që ai te caktohet në vijim  specialist në ish-Kabinetin Pedagogjik të Shkodrës, një institucion shumë i rëndësishëm i kohës për arsimin, ku punoi  për shume vite. Fjalë pak, punë shumë, kërkues ndaj vetes dhe kolegeve,

Njazi Kazazi, do bëhet kështu mjaft i njohur në sektorin e arsimit të Shkodrës duke fituar edhe  mirënjohjen e mësuesve, drejtuesve te shkollave, nxënësve e prindërve. Vlerësimi për punën në ish-Kabinetin e Pedagogjik, bëri që Njazi Kazazi të emërohej me pas në një nivel më të lartë mësimdhënie e pikërisht pedagog ne Universitetin “Lugj Gurakuqi” te Shkodrës.

Edhe këtu spikati me angazhimin e tij si një profesionist  tashme me përvojë i lëndes së gjuhës shqipe, se cilës i ishte përkushtuar që në shkollën e mesme për ta vijuar ne studimet universitare. 

Pikërisht në këtë universitet e mbylli zyrtarisht edhe karrierën  e tij arsimore me daljen ne pension, por në të vërtetë ai nuk iu nda universitetit, kolegëve dhe studentëve. Ndonëse në pension, ai kalonte jo pak kohë në mjediset e universitetit, duke ofruar përvojën e tij për pedagogët dhe studentët.

Ndahet nga jeta profesori i njohur i Universitetit të Shkodrës

Njazi Kazazi u nda nga jeta, por emri i tij do të kujtohet gjatë në Shkoder si ndër njerëzit  e mirë, të ditur dhe të respektuar të këtij qyteti, dhe  ai një nder mësuesit, aktiviteti i të cilit e pasuron historinë e arsimit në Shkodër.

Prof. Njazi Kazazi me lirinë e besimit pas viteve ’90 do të angazhohej dhe do të jepte një kontribut të gjerë në publicistikë, duke botuar dhjetëra artikuj në shumë gazeta dhe revista islame, duke nxjerrë në pah shumë personalitete të shquara myslimane shqiptare. Prej rithemelimit të revistës “Zani i Naltë” në vitin 2012 ai ishte gjithashtu dhe anëtar i Bordit Editorial të saj, duke botuar shumë artikuj me karakter biografik dhe studimor për personalitete të shumta dhe historikun e medresesë së Shkodrës dhe arsimit islam në qytetin e tij të lindjes

Denonco

Keni informacion në interes të publikut? Dërgojeni në Shqip duke klikuar këtu.

Poll

Në Fokus

Ndiqni të gjitha lajmet e fundit
në rrjetet tona shoqërore