Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Arti

“Liturgjia Hyjnore në Pentagram”, vepra monumentale e muzikologut Theodhor Peci

E Hënë 16 Nëntor 2020, 15:16 Gazeta Shqip

 “Liturgjia Hyjnore në Pentagram”, vepra monumentale e

“Liturgjia Hyjnore” (Vëllimi i I), është libri i ri studomor-shkencor i muzikologut dhe studiuesit të mirënjohur të muzikës bizantine kishtare, Theodhor Peci.

Botimi i ri i Theodhor Pecit, që titullohet “Liturgjia Hyjnore në pentagram” është unik në llojin e vet, pasi na ofron për herë të parë studimin e historisë së Artit Psaltik në Shqipëri. Me këtë studim, ai jep një kontribut të madh në ringjalljen e Muzikës Bizantine në vendin tonë.

“Liturgjia Hyjnore në Pentagram”, vepra monumentale e

Libri është shumë voluminoz me 650 faqe, ku në të do të gjeni 47 himne kerubike, 45 liturgjike si dhe 53 himne hyjlindësore, të përshtatura e të kompozuara posaçërisht për gjuhën tonë shqipe.

Veç vlerave studimore, ky botim ka dhe vlera praktike, pasi mund të përdoret lehtësisht dhe për kryerjen e Liturgjive të përditshme, apo dhe Liturgjive kremtuese.

“Liturgjia Hyjnore në Pentagram”, vepra monumentale e

Pas botimit të librit të parë muzikor themelor, “Anastasimatari“ me autor Theodhor Peci, ky është libri i dytë i korpusit të librave muzikorë të botuar nga Kisha Orthodhokse Autoqefale e Shqipërisë, nën përkujdesjen e veçantë të Fortlumturisë së tij, Kryepiskopit Anastas, për ringjalljen e Muzikës Bizantine në Shqipëri.

Veçantia e këtij libri qëndron te përshtatja dhe kompozimi i të gjitha himneve të Liturgjisë Hyjnore në të tetë tingujt (“tonalitetet”) e Artit Psaltik, si dhe tek shumëllojshmëria e variacioneve e tyre kompozicionale edhe brenda të njëjtit tingull.

“Liturgjia Hyjnore në Pentagram”, vepra monumentale e

Të gjitha këto himne, mbulojnë çdo nevoje liturgjike, ato mund të përdoren si për kryerjen e liturgjive të përditshme, ashtu edhe për kryerjen e liturgjive kremtuese ( panegjirike ) të kompozuara nga melurgë tradicionalë që kanë mbizotëruar brenda traditës psaltike të dy shekujve të fundit.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore