“Ky çmim do të jetë një nga më të rëndësishmit në jetën time”/ Ronela Hajati shpallet fituese e Festivalit të Këngës (FOTO)

Mbrëmjen  e djeshme ishte nata finale e Festivalit të Këngës në Radio-Televizionin Shqiptar. Pikërisht mbrëmë u shpall fituesi i festivalit që më pas do të na përfaqësojë në Torino për “Eurovision 2022”.

Ronela Hajati ishte këngëtarja që rrëmbeu çmimin e parë me këngë që mban titullin “Sekreti”. Ndërsa çmimi i dytë shkoi për një nga pretendentët kryesorë, Alban Ramosaj me këngën “Theje”.

Nga ana tjetër, çmimi i tretë iu dha dy personave. Trofeu u nda midis Eldis Arrnjetit dhe Rezarta Smajës; ata ja dedikuan çmimin vendlindjes së tyre, qytetit të Shkodrës.

Ndërsa teksa fliste mes emocionesh pas marrjes së çmimit të parë, Ronela Hajati falënderoi bashkëpunuesit e saj, duke përmendur gjithashtu vlerësime për konkurrentin Alban Ramosaj.

“Dua të dhuroni një duartrokitje për Albanin që është një nga artistët më të mirë në Shqipëri. Ky është çmimi im i parë që unë marr dhe do të jetë një nga më të rëndësishmit në jetën time. Ky çmim i dedikohet vetëm babës tim që më shikon!

Falenderoj jurinë që më ka votuar, falenderoj RTSH, orkestrën dhe publikun që më ka dhënë shumë çmime të para në jetë”, u shpreh këngëtarja e njohur.

Gjithashtu Wiwibloggs ka zgjedhur fituesin, nga një sondazh i kryer në faqen e tyre. Blogu zyrtar i “Eurovision”, ka nxjerrë Ronela Hajatin fituese, me këngën e saj “Sekreti”.

Pas saj, vijnë konkretisht të renditur: Alban Ramosaj, Olimpia Smajlaj, Endri dhe Stefi, dhe Janex.