Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Arti

Humbja e Koço Devoles/ Aktori i njohur: Ai ishte në parametra të jashtëzakonshme, nga të rrallët

Humbja e Koço Devoles/ Aktori i njohur: Ai ishte në parametra

Puntata e ditës së sotme e emisionit “Shqipëria Live” në Top Channel është nisur me kujtime në nder të aktorit të madh, Koço Devole, i cili ndërroi jetë një ditë më parë në moshën 75-vjeçare.

Aktori i njohur, Genti Kame, i cili ishte i ftuar në studio, tha se ai ishte një aktor i një dimensioni të jashtëzakonshëm.

“Ai ka patur dhunti jo vetëm në komedi por edhe në dramë. Komedia është shumë delikate, komedia është dramë. Dhe vetëm pak aktorë të mëdhenj të kalibrit të Koço Devoles bënin komedi. Ai e kapërcente problemin në mënyrë komike. Aktorët e komedisë dalin nga problemet duke qeshur”, tha Kame.

Sipas Gentit, nëse do të kishim një kinematografi të zhvilluar, për Koçon do të shkruheshin skenare enkas për të.

“Nuk e kemi parë fatkeqësisht në një kinema shumë të zhvilluar. Ai ishte në parametra të jashtëzakonshme të aktrimit. Me gamën e tij të gjerë aktoriale dhe fatkeqësisht do e kemi të vështirë të gjejmë një si ai.  Vinte për të punuar dhe jo për të shitur mend. Ai vëzhgonte partnerin, me kë kam të bëj. Ai të përshtatej. Nuk ishte tipi i aktorit që ti ke batutën, unë kam batutën. Ai të dëgjonte. Është një aktor nga të rrallët që kam punuar”, tha Kame.

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore