Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Arti

Gjoba dhe ndëshkime për piraterinë e librave, hapa konkretë për luftën kundër informalitetit

Gjoba dhe ndëshkime për piraterinë e librave, hapa konkretë

Qendra Kombëtare e Librit dhe Leximit dhe Inspektoriati i Mbikëqyrjes së Tregut angazhohen për hapa konkretë për luftën kundër informalitetit dhe piraterisë, përmes një memorandumi bashkëpunimi. Memorandumi me në fokus mbrojtjen e pronësisë intelektuale në fushën e letrave shqipe, u nënshkrua nga Drejtorja e QKLL Alda Bardhyli dhe Kreu i Inspektoriatit të Mbikëqyrjes së Tregut Ladrim Sahitaj.

“Inspektorati Shtetëror i Mbikëqyrjes së Tregut dhe Qendra Kombëtare e Librit dhe Leximit do të punojnë së bashku për organizimin e aktiviteteve ndërgjegjësuese për të drejtat e autorëve dhe të pronësisë intelektuale për të bërë të mundur ndërgjegjësimin e të gjithë zinxhirit të subjekteve dhe faktorëve në industrinë e librit duke realizuar  aktivitete informuese mbi  detyrimet ligjore që duhen përmbushur në bazë të Ligjit 36/2016 “Për të drejtat e autorit dhe të drejtat e tjera të lidhura me to” si edhe Ligjit Nr. 9616, datë 27.9.2006 “Për Librin në Republikën e Shqipërisë”, tha Bardhyli. Mbrojtja e dorëshkrimeve të autorëve shqiptarë dhe përgatitja e tyre për botim në bazë të legjislacionit përkatës është një nga pikat e kësaj marrëveshje.   

Gjoba dhe ndëshkime për piraterinë e librave, hapa konkretë

“Me interes të veçantë do të jetë shkëmbimi i eksperiencave dhe realizimi i trajnimeve të përbashkëta  ndërmjet  Inspektoratit Shtetëror të Mbikëqyrjes së Tregut dhe Qendrës Kombëtare të Librit dhe Leximit. Inspektorati Shtetëror i Mbikëqyrjes së Tregut do të ofrojë serinë e broshurave informuese ndërsa Qendra Kombëtare e Librit dhe Leximit do të ofrojë botimet e tyre”, tha Sahitaj.

Informaliteti vijon të jetë ende një temë e ndjeshme përsa i përket librit. Vetëm një muaj më parë përmes një tryeze diskutimi botuesit ngritën zërin mbi rëndësinë që ka marrja e hapave konkretë në këtë fushë. Kreu i shoqatës së Botuesve Petrit Ymeri ngriti në këtë tryezë problemin e fotokopjimit pa leje të librave pranë fakulteteve, botimi i librave pa të drejtën e autorit dhe piratimi nga persona të dytë i veprave, të cilët i shesin nëpër tezga, skanimi i librave pa leje dhe nxjerrja e tyre në faqet e internetit, të cilat ua shesin lexuesve kundrejt një pagese.  Edhe pse terreni I veprimit është I vështirë përmes këtij memorandum pritet të ketë hapa konkretë në mbikëqyrjen e tregut, duke ndëshkuar me gjoba dhe pezullim të aktivitetit në raste shkeljeje të përsëritura.

Gjoba dhe ndëshkime për piraterinë e librave, hapa konkretë

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore