Foto/ Arkeologët zbulojnë një "bar-rostiçeri" në Pompei
E Martë 29 Dhjetor 2020, 09:17
Gazeta Shqip
Termopoliumi i zbuluar është një nga më të vjetrit në Pompei. "Me këtë zbulim mundësitë për të studiuar termopoliumet janë të jashtëzakonshme, sepse është hera e parë që një lokal i këtij lloji zbulohet në tërësinë e vet," tha një përfaqësues i Parkut Arkeologjik të Pompeut.
Banaku i termopoliumit ishte zbuluar pjesërisht në vitin 2019. Gjatë punës ekspertët gjetën gjithashtu mbetje dhe eshtra njerëzish dhe kafshësh, viktima të katastrofës vullkanike në Gjirin e Napolit rreth 2000 vjet më parë. Sipas gjetjeve fillestare mbetjet njerëzore janë ato të një 50-vjeçari, i cili në momentin e katastrofës ka qenë me siguri i shtrirë në një lloj shtrati. Mbetjet e tjera janë ende duke u hulumtuar.
Lokalet e tipit termopolium, ishin shumë të preferuar në botën romake. Vetëm në Pompei kishte të paktën 80 lokale të tilla.
Ushqime të ruajtura në banakë guri
Banaku i lyer me ngjyrë të verdhë është zbukuruar me piktura kafshësh, një pikturë që përshkruan një situatë nga jeta e përditshme dhe pikturën e një nereide, një nimfe deti, e cila kalëron mbi një kalë deti.
Rosat dhe një gjel i pikturuar ishin ndoshta kafshë që thereshin dhe shiteshin në lokal. Në banak ka edhe disa vrima për të cilat studiuesit supozojnë se aty prezantohej ushqimi, që ofrohej për shitje.
Pompei u shkatërrua prej shpërthimeve të Vezuvit në vitin 79 të Erës sonë. Qyteti historik i mbuluar nga hiri, balta dhe llava u rizbulua në shekullin e 18-të. Që atëherë dalin në dritë vazhdimisht gjetje të reja. Parku arkeologjik i Pompeit është një nga atraksionet më të njohura në Itali. Kohët e fundit arkeologët arritën të rikonstruktonin eshtrat e dy burrave, që ndoshta shpërthimi i vullkanit i kishte gjetur në befasi./DW
Denonco
Keni informacion në interes të publikut? Dërgojeni në Shqip duke klikuar këtu.
Poll
Katër qarqet që mund të përcaktojnë mazhorancën e 25 prillit
Historia e plotë >
Fotot/ Lista e patronazhistëve të PD, me numra telefoni dhe të gjitha të...
Historia e plotë >
Interesi Publik / 20 Prill, 16:58
EMA: Janë shfaqur raste të mpiksjes së gjakut pas marrjes së kësaj vaksine
Interesi Publik / 20 Prill, 16:09
Grafiku/ Shqipëria lë pas Kroacinë e Turqinë për vaksinimin, Rama: Po dalim nga tuneli i pandemisë
Interesi Publik / 20 Prill, 15:54
Pasaporta e vaksinimit të BE-së! Covid-19, a do të lëvizin shqiptarët gjatë kësaj vere?
Zgjedhje 2021
Takimi me gratë, Basha: Barazi në punësim, pagë të njëjtë për punë të njëjtë
Historia e plotë >
