“Eurovision 2023” thyen rekorde, do të mbahet mend gjatë në histori

Më 13 maj u mbajt finalja e madhe e “Eurovision 2023” në Liperpool. E thuhet se ajo ishte finalja më e ndjekur në historinë e këtij kompeticioni.

Mediat e huaja shkruajnë se në Mbretërinë e Bashkuar, pati një maksimum shikueshmërie prej pesë minutash nga 11 milionë njerëz dhe një shifër mesatare e shikueshmërisë prej 9.9 milionë sosh, që barazohet me 63%  të audiencës televizive.

Ndërkohë rekordi i mëparshëm ishte finalja e vitit 2011, kur një mesatare prej 9.5 milionë vetash u akorduan për të parë edicionin ku fitues u shpall shteti i Azerbajxhanit. Vitin e kaluar, finalja në Torino u ndoq mesatarisht nga 8.9 milionë shikues.

Nga ana tjetër kujtojmë se ‘Eurovision 2023’ u fitua nga Suedia me përfaqësuese artisten Loreen, e cila gjithashtu bëri histori duke u bërë gruaja e parë që fitoi dy herë festivalin.

Ajo triumfoi të shtunën me baladën e saj të fuqishme me titull “Tattoo”– që erdhi më shumë se një dekadë pas fitores së saj në vitin 2012 me këngën “Euphoria”.

Për shkak të luftës, u vendos që “Eurovision”-i të mbahej në Britaninë e Madhe, nën kampionja e vitit të kaluar. Liverpool-i premtoi “festën më të mirë dhe të madhe ndonjëherë” dhe, siç është pranuar gjerësisht, nuk i zhgënjeu shikuesit e këtij festivali.

Vetë spektakli ishte po aq i shkëlqyeshëm dhe përrallor siç prisnin fansat e “Eurovision”-it.

Claire McColgan, drejtoresha e Culture Liverpool, tha se përvoja “e pabesueshme” tregoi vlerën dhe rëndësinë e investimit në kulturë.

“Liverpooli është kompleks. Dhe kjo është arsyeja pse unë e dua atë. Ka ngritje dhe ulje si askund tjetër. Ka një zemër të madhe të hapur dhe një mendim për në thelb gjithçka. Është e kundërt dhe konfrontuese. E sjellshme dhe emocionale”.

“Kjo është arsyeja pse Eurovisioni është mbisunduar këtu. Gjithçka që është e shkëlqyer për Eurovision-in, veçanërisht këtë vit të veçantë që po e presim në emër të Ukrainës, përshtatet me Liverpool-in”, tha ajo.

“Kërkimet, guximi, zemra dhe autenticiteti, gjithçka që kemi bërë e ka pasur Ukrainën në qendër të saj, sepse të tillë jemi ne”.