“Europa, Australia dhe Amerika kënduan shqip!”/ Albina Kelmendi jep mesazhin e rëndësishëm

Këngëtarja e njohur, Albina Kelmendi dhe familja e saj arritën që të përfaqësonin denjësisht Shqipërinë në festivalin e madh të “Eurovision”.

Me këngën “Duje”, Albina arriti që të shkonte në finale dhe më pas u rendit në vendin e 22, duke marrë gjithsej 76 pikë.

Pas përfundimit të festivalit të rëndësishëm të muzikës, këngëtarja e njohur ka reaguar për herë të parë, ku shprehet se mbështetja që i dha publiku bëri të mundur realizimin e misionit të tyre dhe se është një ëndërr e realizuar tashmë.

“Me ne dhe me Ju, Europa, Australia dhe Amerika kënduan shqip! Duajeni dhe respektoni njeri-tjetrin, kjo është kultura jonë. Ju përulemi dhe ju falënderojmë për çdo gjë”, shkruan ndër të tjera Albina.

Postimi i plotë:

“Mbështetja e popullit tim dhe te tjerëve na bëri fitues ne misionin dhe qëllimet tona te prezantimit ne Eurovision. Pjesëmarrja jone ne Eurovision dhe kjo eksperience e familjes time është dhe do te mbetet ëndërr e realizuar ne mënyrën me te mirë fale jush!

Ne jemi te lumtur dhe krenare qe arritëm ta përfaqësojmë Shqipërinë me vlerat tona artistike, autentike, humane e shpirtërore!

Unë, familja ime, kompozitori dhe tekstshkruesja e kësaj vepre dhe stafi jone qe punuam aq shume pa kursyer asgjë nga vetja jone u shpërblye me mbështetjen e juaj, fillimisht duke na votuar qe te shkojmë ne finale dhe ne fund i treguam botes qe jemi shume, jemi Shqiptare dhe nuk ka çmim as privilegj qe na shmang nga kultura jonë.

Fjalët janë te pakta te ju falënderojmë dhe është e vështirë te gjeje fjalët e duhura ta përshkruaj gjithë dashurinë qe kemi marrë këto dite nga ju!

Me ne dhe me Ju, Europa, Australia dhe Amerika kënduan shqip! Duajeni dhe respektoni njeri-tjetrin, kjo është kultura jone. Ju përulemi dhe ju falënderojmë për çdo gjë”.