Amarildo Ruçi, artisti i talentuar që pikturon me gishta (FOTO)

Ditën e sotme starton në Tiranë kolonia ndërkombëtare e artit “ArTirana”, i cili do të mbahet në Amfiteatrin e Tiranës.

Për katër ditë, artistë të ndryshëm do të pikturojnë live dhe në mbyllje të eventit do të realizohet ekspozita finale. Kjo e fundit do të mbahet më datë 8 tetor në orën 18:00.

Eventi ka si qëllim përjetimin nga artdashësit së të parit live realizimin e pikturave. Bëhet e ditur se do të jenë të pranishëm artistë nga Kosova, Maqedonia, Bosnja-Hercegovina, Mali i Zi, Franca, Kazakistani dhe vende të tjera.

Një ndër artistët që do të marrë pjesë në këtë event ku e rëndësishme është fryma pozitive që sjell arti, është Amarildo Ruçi.

Ky i fundit është një piktor i ri në moshë por shumë i talentuar dhe i veçantë. Lidhja e tij me pikturën ka nisur që në fëmijëri.

Para disa muajsh, Ruçi solli një dimension tjetër të artit në ambientet e Muzeut Historik Kombëtar, përmes punimeve në telajo. Ai kishte piktura të punuara pa penel, por me gishta dhe sigurisht që ato ishin të veçantat e ekspozitës.

Madje artisti i ri ka treguar se edhe karantina e ka frymëzuar së tepërmi. Këtë periudhë të vështirë për popullin shqiptar dhe jo vetëm, ai e solli të pasqyruar me një forcë ngjyrash. As Covid-19 nuk u anashkalua në tablotë e tij.

 “Jam përpjekur të sjell sa më shumë pozitivitet në këto momente gri që njerëzit po kalojnë”, ka thënë Amarildo në lidhje me këto piktura..

Gjithashtu në tablotë e tij nuk mungon as dashuria në kohën e pandemisë së koronavirusit.

“Dashuria është mbi gjithçka. Siç dashurojmë në çdo moment edhe në këtë periudhë është e pashmangshme”, janë fjalët e artistit të talentuar.

Amarildo është një piktor atipik, prej 4 vitesh ka flakur penelat, çdo pikturë ai e realizon vetëm me duar dhe thonj, teknikë e cila i jep maksimumin e shprehisë.

E duke qenë kaq i talentuar edhe ambiciet i ka të larta. I riu ka treguar se ëndrra e tij është që të renditet në 30 artistët më të mirë në botë.

Arkivi shqiptar thyen kufijtë shtetërorë, hap sallë studimi në Shkup

Historia e plotë >

Ndarja nga jeta e Muharrem Fejzos, Reshat Arbana: U shkëput një gjerdan i kinemasë shqiptare

Historia e plotë >

“Liturgjia Hyjnore në Pentagram”, vepra monumentale e muzikologut Theodhor Peci

Historia e plotë >

Fatos Baxhaku, autori i vitit pas vdekjes/ Ndahen Çmimet e panairit të librit

Historia e plotë >

Për 20 vite fotografoi natyrën amerikane, por Valbona hap ekspozitë me bukuritë shqiptare: Bjeshkët e Namuna...

Historia e plotë >

Mes dhimbjes, Djali i Koço Devoles flet për humbjen e babait: Më mungojnë fjalët, ai besonte që...

Historia e plotë >

Kush është "Anja", dashuria e humbur e ish-Drejtorit të Policisë së Shtetit

Historia e plotë >

Ndarja nga jeta e Koço Devoles, Agron Llakaj: Ishte një thesar dhe iku aq i varfër

Historia e plotë >