Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Koment

Parlamenti është kthyer si “Big Brother” dhe “Për’puthen”

Parlamenti është kthyer si “Big Brother” dhe

Ilir Yzeiri, në një analizë të tij, i paralelizon ligjvënësit në kuvendin shqiptar me konkurrentët e dy ‘reality show-ve’ më të ndjekur të momentit.

I ftuar në “Top Talk”, analisti krahasoi sjelljen e deputetëve në parlament me sjelljen e konkurrentëve të “Për’puthen” dhe “Big Brother VIP”. Sipas tij, shoqëria shqiptare është shumë e medietizuar dhe e përqendruar te temat sipërfaqësore që shfaqen në ekran.

“Shoqëria shqiptare është e medietizuar, ashtu si të gjitha shoqëritë e tjera. E medietizuar në kulm. Dhe ajo që e tërheq më shumë shoqërinë shqiptare nuk është serioziteti i jetës, nuk është ana dramatike e jetës, nuk i intereson shumë punësimi, sa do të fitojnë.

Publiku është i etur për estradën, për folklorin, për anët e errëta të shoqërisë dhe sidomos për humorin. Duan medietizimin e rutinës. Televizioni juaj ka nisur me sukses dy programe, ‘Për’puthen’ dhe ‘Big Brother VIP’. Big Brother-in më të madhe  bën politika. Me pak fjalë mund të përmblidhet ligjërimi i parlamentit: llum, hajdut, mafioz”.

“I vetmi ndryshim është se nuk nominojmë dot dhe nuk nxjerrim dot asnjë nga parlamenti”, ndërhyri me humor gazetari Denis Dyrnjaja.

Yzeiri tërheq vëmendjen, kur thotë se “ne po harrojmë të sillemi si qytetarë të vëmendshëm. Rrisim shikueshmërinë dhe mbushim sheshet për të parë spektakël dhe jo për problemet tona”.

Ndërsa sipas Dyrnjasë, deputetët e deputetet duken më shumë si të përputhur.

“E vërtetë, janë më shumë si te ‘Për’puthen’. Ai që tenton më shumë është Rama, Basha që shkëmbejnë mesazhe dashurie mes tyre”, replikon analisti.

Madje si argument ‘përdor’ aktorin Florjan Binaj:

“Floriani ndiqet nga mijëra persona në ‘Portokalli’. Kur doli nga ekrani dhe kërkoi t’i bashkoheshin në protestë për një kauzë të rëndësishme, nuk u ndoq as nga 100 vetë. Si shpjegohet? Publiku nuk do të vërtetën, do që ta gënjesh.

Duan artin, spektaklin që janë një lloj manipulimi. Viktimë e këtij manipulimi kanë rënë të gjithë dhe ky është problemi i shoqërisë shqiptare sot”.

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore