Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Koment

BE infektohet me Covid, "karantinon" vetëm shqiptarët!

BE infektohet me Covid, "karantinon" vetëm shqiptarët!

Vendet e Bashkimit Europian, edhe pse kanë hapur lëvizjen e lirë mes vetes dhe ndërmjet disa vendeve të tjera, jo vetëm të 27 vendeve anëtare apo shteteve të Zonës Shengen, kanë izoluar që prej fillimit të vendit një vend si Shqipëria, e cila me vendimin e Këshillit të Ministrave të BE, që prej vitit 2010, mund të lëvizë lirisht në këtë hapësirë.

Ndërsa në muajt e parë kur e gjithë bota ishte në lockdowun, kjo politike ishte e kuptueshme, tani kur në Europë mund të lëvizin qytetarë nga shumë shtete të botës, izolimi për shqiptarët nuk është gjë tjetër veçse diskriminim.

Shqipëria me një popullsi aktive brenda vendit të vogël në raport me Europën, dhe me një potencial lëvizjeje edhe më shumë, logjikisht dhe statistikisht nuk ka asnjë mundësi të ndikojë në një grumbullim masiv që mund të çojë tek një rritje të transmetimit të pandemisë së koronavirusit.

Shqipëria, është një nga vendet e vetme të Europës që ka përjetuar një izolim të rreptë gjatë kohës së komunizmit, për më shumë se 45 vjet, ky qytetarët e saj ishin të privuar nga lëvizja e lirë, si pasojë e regjimit komunist.

Ndërkaq, pas rrëzimit të komunizmit, me pretekstin e frikës së refugjatëve, vendet e BE ndoqën një regjim të fortë vizash për Shqiptarët, ku të vetmit që arrinin të shkonin legalisht në Europë ishin ose zyrtarët e politikanët, si dhe njerëzit me probleme kriminale, që i siguronin nga tregu i zi.

Me liberalizimin e vizave u hap në fillim një shqetësim i paarsyeshëm prej qarqeve të ndryshme se nga Shqipëria do të ketë një fluks emigrimi në BE, gjë që realisht nuk ndodhi.

Ishte një periudhë 10 vjeçare testi për BE-në që të shikojë sjelljen e Shqiptarëve. Lëvizja jonë thuajse nuk kishte ndryshime si trend me shtete të tjera të rajonit, edhe më të zhvilluara se ne, si Serbia, Maqedonia, por edhe vende të BE-së si Rumania e Bullgaria.

Shtete, që nuk e kanë ndalur fluksin emigrator edhe pse janë anëtare me të drejta të plotë të Bashkimit Europian.

Masat që u morën pas çlirimit të izolimit prej pandemisë, nga ana e Brukselit, ku qytetarët e disa vendeve ballkanike(jo të gjitha) u ndaluan për të udhëtuar në zonën Shengen ishin të pakuptueshme, dhe pa asnjë logjikë shkencore.

Shqipëria nuk ka pasur një normë të lartë infeksioni, ndërkohë që edhe në këtë rast BE nuk të ndiqte masa organizative për ta kontrolluar këtë fluks.

Ndalimi aforfe, është thjesht një masë që hapur diskriminon shqiptarët.

Përse një bullgar duhet të shkojë me pushime në Greqi, Itali, Gjermani etj. dhe një shqiptar nuk e ka të drejtë?

Covid 19 nuk është as virus shqiptar, e as ballknik, por një pandemi mbarëbotërore. Masat që merren në këtë rast duhet të reflektojnë pikërisht këtë trend, ndryshe nëse ka standarde të dyfishta, atëherë nuk është gjë tjetër vetëm diskriminim.

Odiseja e tmerrshme e shqiptarëve në pikat kufitare të Kakavijes e Kapshticës me Greqinë, ishte një dëshmi e trishtë e dramës e dhimbjes që shqiptarët vijojnë ta provojnë nga kontinenti që ata i përkasin prej mijëra vjetësh.

Kalvari mbi 3 ditor i një stërmundimi vetëm për të lëvizur nga një tra në traun tjetër ishte një turp human që nuk ishte parë prej kihësh; e në këtë tmerr ku kishte edhe fëmijë e të moshuar që nuk lejoheshin të kalonin kufirin, edhe pse me dokumenta ligjore, askush nga Bashkimi Europian nuk tha asnjë frazë. Frazë që përputhej totalisht me vlerat që Bashkimi Europian thotë se është krijuar.

Duket se këto vlera, e të drejta, Europa i ka vetëm për një pjesë njerëzish, për ata që i quan “të sajët”-pra votuesit e vet.

Ne, duket se jemi “të tjerët”, njerëz që sipas saj duhet të kemi të drejta të tjera, edhe pse jemi njësoj si europianët. E kjo ndodh në shekullin e 21....

©Copyright Gazeta Shqip

Ky artikull është ekskluziv i Gazetës Shqip, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar Gazeta Shqip dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore