Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Aktualiteti

Vrasja e babë e bir në 2012/ Dosja shkon në SPAK, Çapjat funksionuan si grup kriminal

E Enjte 8 Prill 2021, 16:36 Gazeta Shqip

Vrasja e babë e bir në 2012/ Dosja shkon në SPAK, Çapjat

Prokuroria e Posaçme, SPAK, ka marrë dosjen e "Çapjave" si pjesëtarë në vrasjen e babë e bir, Nezir dhe Gentian Beqiri në vitin e 2012. Pjesë e dosjes janë Ardjan Çapja, Florenc Çapja si dhe 4 anëtarë të tjerë.

Aktet hetimore kundër këtij grupi kriminal, ti kalojnë për hetime të mëtejshme Prokurorisë së Posaçme. Lajmin për këtë kalim të dosjes e ka konfirmuar edhe drejtuesi i kësaj strukture, prokurori Arben Kraja.

Kështu SPAK do të hetojë këta persona: Ardjan Çapja, Florenc Çapia, bashkëpuntori i drejtësisë Ervis Bardhi, Etien Cani, Olsi alias Jorgo Leku dhe Klajdi Dokoli.

Mbi ta rëndojnë disa akuza si: “Vrasje në rrethana cilësuese” kundër dy personave, “Mbajtjes pa lejë të armëve të zjarit”, “Grup i strukturuar” kriminal dhe Kryerja e veprave penale në formën e “Grupit të Strukturuar kriminal”.

Momentalisht për këtë krim të dyfishtë të ndodhur në 15 gusht 2012 në Elbasan, vijon të jetë në kërkim Florenc Çapja, ndërsa personat e tjerë janë arrestuar.

Në ditët në vijim pritet ekstradimi nga Greqia i Olsi alias Jorgo Lekut, i cili ka marë pjesë direkt në vrasjen e Gentian dhe Nezir Beqirit. Më herët SPAK, kërkoi tërheqjen e akteve hetimore, ndërkohë vendimi për transferimin e dosjen erdhi pas arrestimit të Ardjan Çapjas dhe “ushtarit” të tij, Ardi Çekani.

Vrasja e Gentian dhe Nezir Beqirit, është kryer nga Çapjat për hakmarje pasi Gentiani, ishte një nga tre autorët që ekzekutoi me automatik në dhjetor 2005, Sokol Çapjan.

 

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Zgjedhje 2021

Ndiqni të gjitha lajmet e fundit
në rrjetet tona shoqërore