Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Aktualiteti

Vjedhja e 1.2 mln eurove/ Prokuroria kërkon pamjet filmike, në bankën ku Ilir Thana tërhoqi paratë bashkë me të motrën dyshohet se ...

E Martë 17 Janar 2023, 13:40 Gazeta Shqip

Vjedhja e 1.2 mln eurove/ Prokuroria kërkon pamjet filmike, në

Prokuroria e Tiranës vijon hetimet në lidhje me dosjen e vjedhjes së shumës prej 1.2 milionë eurove në buxhetin e shtetit me anën e firmave të dy funksionarëve të lartë të ministrisë së Financave.

Hetimet në fakt janë shtrirë në disa linja, ku sipas të dhënave është shkuar deri atje se ta sigurohen pamjet filmike të një banke të nivelit të dytë në të cilën është bërë edhe tërheqja e dy shumave të majme nga ana e të pandehurit Ilir Thana, i cili është arrestuar më herët në lidhje me këtë dosje.

Sipas të dhënave hetimore bëhet me dije se nga pamjet filmike që janë siguruar bëhet me dije se në bankën në të cilën janë kryer tërheqjet në emrin e motrës së të pandehurit Thana, është parë edhe një person i tretë përveç Ilir Thanës dhe të motrës që kishte të drejtën të vepronte. Sipas grupit hetimor bëhet me dije se në fakt këtë lëvizje e ka shquar një oficer kredie që punonte në të njëjtën bankë, ku ka vendosur të ndërhyjë për shkak se personi që po tërhiqte shumën prej 480 milion lekësh, nuk kishte paguar këstet e një kredie në atë bankë.

Sipas të dhënave, sasia e kredisë që kishte për të paguar klienti i tyre ishte krejt e vogël në krahasim me sasinë e parave që u tërhoqën nga e motra e tij. Mirëpo, duke hetuar në tërësinë e tyre veprimet e kryera nga palët është mësuar se në lojën e përfitimit, sipas prokurorisë, më herët ka qenë një tjetër përmbarues, i cili duket se ka vepruar me anë të dokumenteve të vendimit të gjykatës, vendim i dhënë në vitin 1996. Por, kur është parë se sasia e nxjerrë prej tij ka qenë aq e vogël, Prokuroria dyshon se i pandehuri ia ka marrë dosjen përmbaruesit tjetër dhe ia ka dhënë të bashkëpandehurit, përmbaruesit Alban Ruli, i vënë në pranga bashkë me dy zyrtarët e lartë të Ministrisë së Financave.

 

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore