Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Në Fokus

VIDEO/ 'Raki Skrapari vëlla, na fto...', si e joshën Rama dhe Koka, Nasip Naçon që të kalonte tek PS

E Mërkurë 6 Janar 2021, 22:32 Gazeta Shqip

VIDEO/ 'Raki Skrapari vëlla, na fto...', si e joshën Rama

Largimi i ish-ministrit Nasip Naço nga LSI drej PS, duket se është bërë edhe me angazhimin direkt të kryeministrit Edi Rama.

Në videon e mëposhtme, shihet sesi kreu i qeverisë i shoqëruar nga Lefter Koka (një tjetër emër VIP që braktisi Kryemadhin)  dhe Damian Gjiknuri,  i “shtrin dorën” ish-ministrit për një tjetër bashkëpunim , por kësaj radhe në të njëjtën “korsi”, atë të PS.

Bashkë me Lefter Kokën, ish-ministrin që refuzoi të djegë mandatin dhe që kaloi i pari më PS, teksa ia shtrojnë me verë në një restorant, Rama fton Nasip Naçon që kur të jetë kohë të konsumojnë bashkë raki Skrapari.

Gjatë ftesës së Ramës ndërhyn Koka, i cili i thotë kryeministrit se Naço është i pakënaqur me LSI-në, pasi në vend të tij do të garojë Elona Guri në qarkun e Beratit.

Siç duket oferta e kryeministrit e ka joshur Naçon, i cili sot zyrtarizoi edhe kalimin me PS, duke krijuar një tjetër hemorragji të fortë në partinë e Monika Kryemadhit, të cilën sondazhet e fundit e nxjerrin në vetëm 3% të votave.


Biseda e plotë

Edi Rama: Po ku je mo Nasip, ku je mo burrë, kaq partiak je, sa nuk vjen as të pish një gotë verë? Se ti je dhe qytetar… pi njeriu një gotë verë… apo ke hall se të shpallin armik. Ti s’je shpallur akoma po në listë je për t’u shpallur për armik… shihe pak këtë shihe (tregon me telefon Damian Gjiknurin që qesh).

Hë mo fol ti…

Lefter Koka: Ky është pak kështu, nuk ka kurajo…

Edi Rama: Jo mo kurajo ka ky, por ka atë burrninë që do ta vrasin njëherë në mexhelis. O Nasip…

Lefter Koka: E ka vrarë Lona, i kanë thënë të vënë Elona Gurin para këtij…

Edi Rama: O Nasip, raki Skrapari vëlla, na fto ndonjë ditë, të jesh mirë, të përshëndesim vëlla.

©Copyright Gazeta Shqip

Ky artikull është ekskluziv i Gazetës Shqip, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar Gazeta Shqip dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore