Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Aktualiteti

VIDEO/ Goditi për vdekje 7-vjeçaren në plazhin e Potamit, Arjan Tase mbërrin në gjykatë

VIDEO/ Goditi për vdekje 7-vjeçaren në plazhin e Potamit, Arjan

Arjan Tase ish-shefi i komisariatit të Himarës, që përplasi për vdekje 7-vjeçaen në plazhin e Potamit ka mbërritur në ambientet e gjykatës së Vlorës për t’u njohur më masën e sigurisë.

Prokurorja Eranda Laze dorëzoi një ditë më parë në gjykatë ish-shefin e policisë për akuzën e vrasjes me dashje të Jonada Avdiut ndërsa kërkoi masën e arrestit me burg.

Prokuroria e Vlorës kundërshtoi kështu qëndrimin dhe referimin e policisë së Vlorës që e dorëzoi komisarin Arjan Tase për akuzën e vrasjes nga pakujdesia.


“Nuk ka vrasje nga pakujdesia, por vrasje me dashje mbasi drejtuesi i mjetit lundrues që rezulton se kishte patentë ishte në dijeni të rrezikut që i sillte qytetarëve kur hyri në atë perimetër”, thuhet në dosje.

Në 2 gusht, në plazhin e Potamit në Himarë, vogëlushja 7-vjeçare, Jonada Avdia, u aksidentua dhe humbi jetën nga gomonia që drejtohej nga komisari Arjan Tase

Një ditë më parë, qytetarët dolën në protestë para Ministrisë së Brendshme për të kërkuar drejtësi për Jonadën. Protestuesit i lanë 72 orë kohë kryeministrit Edi Rama që të shkarkojë nga detyra ministrin e Brendshëm Bledi Çuçi, Drejtorin e Përgjithshëm të Policisë së Shtetit, Gledis Nano dhe ministren e  Turizmit, Mirela Kumbaro.

Nëse kjo nuk ndodh, ata lajmërojnë se do të vijojnë me protesta të pandalshme./TCH

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore