Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Aktualiteti

Video/ “1 mijë euro t’ju kaloj jashtë kufirit”/ 38-vjeçari kapet me 3 emigrantë të paligjshëm në makinë

Video/ “1 mijë euro t’ju kaloj jashtë kufirit”/

Policia e Korçës ka vënë në pranga një 38-vjeçar, pasi ky i fundit u kap në aksin rrugor Korçë-Pogradec, në afërsi të fshatit Gështenjas, duke transportuar tre emigrantë të paligjshëm .

Në njoftimin për media bëhet e ditur se 38-vjeçari i ishte kërkuar 1 mijë euro për person në mënyrë që t’i ndihmonte të kalonin kufirin.

Njoftimi i policisë

Vijojnë goditjet e njëpasnjëshme në kuadër të operacionit policor "Perimetri".
Goditet një tjetër rast i veprimtarisë kriminale të dhënies së ndihmës për kalim të paligjshëm të kufijve, kundrejt shpërblimit.

U kap duke transportuar 3 emigrantë të paligjshëm, vihet në pranga 1 shtetas. Shërbimet e Komisariatit të Policisë Pogradec, në bashkëpunim me Sektorin e Policisë Rrugore në DVP Korçë dhe Policinë Kufitare, në vijim të operacionit të koduar "Perimetri", kanë goditur një tjetër rast të aktivitetit kriminal të dhënies së ndihmës shtetasve të huaj, për kalim të paligjshëm të kufirit, kundrejt shpërblimit, si rezultat i të cilit u bë kapja dhe arrestimi në flagrancë i shtetasit F. M., 38 vjeç, banues në Korçë.

Shtetasi i mësipërm, u kap nga shërbimet e Policisë Rrugore në aksin rrugor Korçë-Pogradec, në afërsi të fshatit Gështenjas, Pogradec, duke transportuar me mjetin tip "Volkswagen" 3 emigrantë të paligjshëm, të cilëve kundrejt shpërblimit prej 1000 euro secilit, iu kishte premtuar kalimin drejt vendeve të BE-së.

Materialet i kaluan Prokurorisë së Rrethit Gjyqësor Pogradec për veprime të mëtejshme hetimore.

Denonco

Keni informacion në interes të publikut? Dërgojeni në Shqip duke klikuar këtu.

Poll

Zgjedhje 2021

Ndiqni të gjitha lajmet e fundit
në rrjetet tona shoqërore