"Vdeksha unë për ty..."/ Rama ironizon keq deputetin e PD që deklaroi se rritjen e pagës do ua jepte jetimëve

Rama:

Niveli i pagës nuk përcaktohet sipas qejfit, por sipas një logjike të caktuar nga ekspertët.

Nuk mund të kemi prokurorë dhe gjykatës që të paguhen më shumë se presidenti. Nuk keni pse të çoni rritjen e pagës nëpër jetimore ju, hajdeni këtu dhe vendosni që deputetët të marrin pagë minimale, gati jam unë.

Unë njoh shumë prej jush këtu që e meritojnë atë pagë, ky nuk është vendi i llumit, nuk është vendi i krimit, është vendi ku deputetit për misionin që ka dhe për çfarë duhet të bëjë për ata që e zgjedhin, e meritojnë pagën e propozuar.

Për mua paga duhet të vendoset sot dhe të hyjë në fuqi në momentin kur hyn në fuqi rritja e pagës më të fundit. Të hyjë në fuqi rritja vetëm kur të jetë bërë rritja e të gjitha pagave të tjera që parashikohen në ligj.

Vdeksha unë për ty jetimi im i dashur që do ia çosh ti rritjen e pagës tënde jetimores. Vdeksha unë për ty.