Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Aktualiteti

Urdhri i Stomatologut mesazh për ndarjen nga jeta të Aneta Ramës: Humbëm një nga ikonat e...

Urdhri i Stomatologut mesazh për ndarjen nga jeta të Aneta Ramës:

Urdhri i Stomatologut të Shqipërisë ka reaguar për vdekjen e nënës së kryeministrit të Edi Ramës, Aneta, e cila ka qenë një nga themelueset e shërbimit të Stomatologjisë.

Përmes një mesazhi të gjatë në "Facebook", Urdhri i Stomatologut jep detaje nga jeta e Aneta Ramës, e cila dy vite më parë është nderuar nga Urdhri i Stomatologut të Shqipërisë me titullin më të lartë: “Nderi i Stomatologjisë Shqiptare“.

Urdhri thekson se humbën një nga ikonat e stomatologjisë.

Mesazhi i plotë:

Njoftim

Sot u nda nga jeta mjekja stomatologe “Nderi i Stomatologjisë Shqiptare” Dr.Aneta Rama. Dr.Aneta lindi në qytetin e Vlorës më 1 shtator 1939. Shkollën dhe arsimin e mesëm e mbaroi në qytetin e lindjes me rezultate ekselente. Dr.Aneta ishte dhe një sportiste e talentuar në katër lloje sportesh. Në vitin 1955 filloi studimet në një nga Universitet më me emer të Polonisë dhe i mbaroi me rezultate të shkëlqyera në vitin 1961. Pasi u diplomua si mjeke stomatologe filloi punë në poliklinikën e qytetit të Vlorës. Dr.Aneta më vonë ka punuar në kryeqytet duke drejtuar poliklinikën dentare, e Specializuar ne Radiologji e Fizioterapi Stomatologjike. Dr.Aneta është dekoruar me çmime të ndryshme për punë shumë të mirë e rezultate shkencore në shërbimin ndaj qytetarit. Me rastin e 100 vjetorit të Stomatologjisë Vlonjate, Urdhri i Stomatologut të Shqipërisë i akordoi titullin më të lartë: “Nderi i Stomatologjisë Shqiptare“ në një atmosferë të jashtëzakonshme festive të mbarë dentistrisë. Sot stomatologjia shqiptare humbi një nga ikonat e para të themelimit të këtij shërbimi elitar në vendin tonë. Familja humbi njeriun e saj të dashur: nënën, gjyshen e njeriun që do ta kujtojë tërë jetën. Në emër të Urdhrit të Stomatologut të Shqipërisë i shpreh ngushëllime familjes, miqve e kolegëve të Dr.Anetës.

U prehsh në paqe Dr.Aneta!

President i USSH

Nikoll Deda

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore