Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Aktualiteti

Turizmi nuk po e merr veten/ Gjatë janarit erdhën 64 mijë turistë më pak se një vit më parë

Turizmi nuk po e merr veten/ Gjatë janarit erdhën 64 mijë

Kufizimi i lëvizjeve për shkak të Covid-19 duket se do ta vështirësojë më tej rikuperimin e turizmit në vend.

Të dhënat e Instat tregojnë se në janar kanë hyrë në vend 185.3 mijë vizitorë të huaj, rreth 64.1 mijë më pak se e njëjta periudhë e 2020-ës.  Ndërsa gjithsej së bashku me shtetasit shqiptarë, hyrjet arritën në 405.7 mijë nga 693.9 mijë që ishin në janarin e vitit të kaluar.

Rritjen më të madhe e kanë parë turistët nga Zvicra dhe shqiptarët e Kosovës, pasi numri i këtyre të fundit u rrit me rreth 10 mijë muajin e kaluar në raport me janarin e 2020, duke arritur në 87.6 mijë vizitorë. E gjithë pjesa tjetër ka parë tkurrje të numrit të vizitorëve.

Një situatë pesimiste vjen edhe nga operatorët e tregut. Për kryetarin e Shoqatës së Tur- Operatorëve Besnik Vathi viti 2021 do të karakterizohet nga një pranverë e djegur dhe një verë në rrezik pasi nuk ka asnjë kontratë me turoperatorët e huaj.

“Shqipëria ka vërtetë 3 sezone, sezonin e pranverës që edhe në 2021 do të jetë I mbyllur, sezoni i verës që është në rrezik, që edhe sikur çdo situatë optimiste të ketë, realizimi i kësaj vere nuk mund të bëhet më shumë se 50-60% me ata turistë të planifikuar. Dëshirë që nuk është konkretizuar me kontrata apo rezervime reale”, shprehet Besnik Vathi.
Sipas Vathit, për shkak të mungesës së turistëve të huaj pjesa më e madhe e agjencive turistike kanë pezulluar punën, duke mos arkëtuar që prej marsit të kaluar.

“Rreth 80% e këtyre bizneseve ose janë pezulluar ose punojnë thjesht pa arkëtuar por duke mbajtur stafin për të mos humbur ato investime të bëra prej 15-20 vitesh. Janë me dhjetëra e dhjetëra biznese që nuk kanë aktivitet. Ne asgjë sot nuk na shpëton. Ne i kemi humbur rreth 70-80% të punonjësve”, tha Besnik Vathi.
Por, vendosja e masave bllokuese ka penguar edhe daljen jashtë të shqiptarëve duke sjellë gati një përgjysmim të tyre në 271.6 mijë në janar nga 531 mijë që kaluan kufijtë të njëjtën periudhë të 2020-ës./ Top Channel

Denonco

Keni informacion në interes të publikut? Dërgojeni në Shqip duke klikuar këtu.

Poll

Zgjedhje 2021

Ndiqni të gjitha lajmet e fundit
në rrjetet tona shoqërore