Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Aktualiteti

“Të tmerruar nga lajmet e fundit në Shqipëri”, Unioni Evropian i Kontrolluesve Ajrorë reagon pas arrestimeve

“Të tmerruar nga lajmet e fundit në Shqipëri”, Unioni

Pas arrestimit të tre kontrollorëve të “Albcontrol”, ka reaguar Unioni Evropian i Kontrolluesve Ajrorë. Në deklaratën për media, ATCEUC është shprehur se janë të tmerruar nga lajmet më të fundit në Shqipëri.

Në reagimin e bërë nga Unioni Evropian i Kontrolluesve Ajrorë thuhet se “në një vend që aspiron të bëhet vend anëtar i Bashkimit Evropian është e papranueshme që punonjës jetësorë siç mund të jenë kontrolluesit e trafikut ajror, arrestohen”.

Në të njëjtën kohë, Unioni shton se është e papranueshme që të arrestohen punonjës vetëm se kanë kryer detyrat e tyre në “përputhje me rregulloret e BE-së apo për transmetimin e shqetësimeve të tyre publikisht kur punëdhënësi i tyre nuk pranoi të dëgjonte ose të angazhohej me ta, një punëdhënës që është përfundimisht përgjegjës për sigurinë e udhëtarëve që udhëtojnë nëpër qiellin shqiptar.”

Albcontrol, shton  ATCEUC ka ulur në mënyrë të njëanshme pagat e punonjësve të tyre deri në 70% pa u konsultuar dhe as biseduar me Sindikatat të cilat përfaqësojnë punonjësit.

“Albcontrol ka refuzuar çdo kërkesë nga Sindikatat për të negociuar një marrëveshje kolektive të përgjegjshme për të zgjidhur këtë krizë, duke vendosur punonjësit e saj nën një stres të jashtëzakonshëm shtesë në mes të një krize globale. Si mundet që Shqipëria ta shohë veten të denjë për një të ardhme të ndritur të re si anëtar i BE-së, kur është reagimi i tij ndaj punëtorëve që ndjekin të drejtat e tyre themelore për të vepruar në një mënyrë të kujton një të kaluar të errët staliniste që shpresonim të ketë qenë varrosur, dhe arreston ata që e kundërshtojnë?”

Unioni Evropian i Kontrolluesve Ajrorë i bën thirrje autoriteteve që të respektojnë jo vetëm rregulloret e BE, por edhe Konventën Evropiane për të Drejtat e Njeriut si dhe të lërë pas të gjitha mënyrat e vjetra e të përqafojnë  plotësisht të drejtat e punonjësve

“ATCEUC ka humbur të gjitha kontaktet me kolegët shqiptarë dhe është thellësisht i mërzitur nga ky zhvillim dhe i shqetësuar për mirëqenien e tyre, ne kërkojmë që autoritetet shqiptare të lirojnë menjëherë kolegët tanë.”

Denonco

Keni informacion në interes të publikut? Dërgojeni në Shqip duke klikuar këtu.

Poll

Zgjedhje 2021

Ndiqni të gjitha lajmet e fundit
në rrjetet tona shoqërore