Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Aktualiteti

Taulant Balla në dosjen e Çapjave? Ja çfarë thotë Damian Gjiknuri

E Premte 25 Nëntor 2022, 18:04 Gazeta Shqip

Taulant Balla në dosjen e Çapjave? Ja çfarë thotë

Sekretari i Përgjithshëm i Partisë Socialiste Damian Gjiknuri nuk ka preferuar të japë një koment në lidhje me akuzat e Opozitës së kreu i Grupit Parlamentar të Partisë Socialiste, Taulant Balla ka dalë në përgjime me të arrestuarin Ardian Çapja, biseda që sipas PD-së janë asgjësuar.

Nga Elbasani, Gjiknuri tha se në lidhje me akuzat në fjalë, duhet të përgjigjet vetë Balla dhe pse shtoi se këto janë aludime të Opozitës. Numri dy i PS-së tha se selia rozë bazohet tek vullneti i njerëzve dhe nuk njolloset nga akuzat që mund të bëhen nga media apo qarqe të caktuara.

“Janë pyetje që duhet t'ja bëni personi konkret. Partia Socialiste është një parti e fortë. Nuk dua të merrem me deklaratat e mediave, nuk di vërtetësinë e tyre, PS është një parti e fortë, bazohet te vullneti i njerëzve dhe nuk njolloset nga akuzat që mund të bëhen nga media apo qarqe të caktuara,"- tha Gjiknuri ndër të tjera.


Akuzat ndaj Ballës erdhën pasi vetë Ardian Çapja, një nga emrat më me ndikim në qytetin e Elbasanit, deklaroi se vrasja e avokatit të tij, Ravik Gurra do të zbulonte implikimin e një politikani të rëndësishëm. Ai tha se pasi në Elbasan u vranë Agron Çapja, Enver Sinakoli, Eno Bedalli dhe u plagosën 7 të tjerë, hetimet hapën një dosje përgjimesh në të cilat u zbulua edhe një numër telefoni.

Në vendimin e datës 17 shkurt 2016, gjykata e Elbasanit nuk arrin të saktësojë nëse është ose jo Balla, duke iu referuar vetëm me numër telefoni, por që sipas Çapjas, emri i personit në fjalë është Taulant! Ardian Çapja tha në gjykatë se përgjimet e njeriut Taulant, janë zhdukur dhe asgjësuar. Akuza u përforcua nga Berisha që deklaroi në Kuvend se këtë rol e luajti prokurori i çështjes që u ngrit sipas tij në detyrë. 



Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore