"Shkodra nuk ka njisha"/ Gazetari Artan Hoxha flet për vrasjen e Bardhok Pllanajt: Historia...

Qyteti i Shkodrës u trondit mbrëmjen e djeshme nga vrasja e ndodhur ndaj Bardhok Pllanajt, i njohur ndryshe edhe si "Kumbari i Shkodrës". 

Pllanaj u ekzekutua jo shumë larg shtëpisë së tij, ku breshëri të shumta kallashnikovi vërshuan ndaj makinës ku i viktima ndodhej brenda. 

Për këtë vrasje të bujshme ka komentuar edhe gazetari i njohur investigativ Artan Hoxha, i cili ka deklaruar se kjo ngjarje nuk ka lidhje me ato që lidhen me terminologjinë që media e përdor "si i forti i Shkodrës".

"Me 1 dhjetor 2020, media shkroi, se u vra “i forti” i Shkodrës. Sot në mbrëmjë, sërish media shkroi, se u vra “kumbari” i Shkodrës... Sa herë duhet ta shkruaj?! Kolegë, korrigjoni titullin, historia i ka dhënë të drejtë, batutës: Shkodra, nuk ka njisha.... Edhe pas vrasjes së radhës, e njëjta gje edo të shkruhet... Por sërish, Shkodra, nuk do të ketë njisha...", shkruan Hoxha.

Ai e shoqëron këtë postim edhe me foto të ngjarje të ndodhura në qytetin më të madh verior, si vrasje e Mir Koçisë apo e Ridvan Ramazanit, që etikoheshin si të fortët e Shkodrës.