Qeveria angleze i përgjigjet Ramës: Duam të ndalojmë njerëzit që bëjnë udhëtimet e rrezikshme...

Një zëdhënës i kryeministrit Rishi Sunak pas deklaratave te forta të Edi Ramës dha këtë koment.

“Unë mendoj se ne padyshim do të vazhdojmë të sigurohemi që të flasim për këtë në një mënyrë që është faktike, e drejtë dhe e dhembshur.

Dhe ky është toni që keni dëgjuar nga kryeministri gjatë gjithë kësaj. Para së gjithash, ne po kërkojmë të ndalojmë njerëzit e cenueshëm që bëjnë udhëtime të rrezikshme, që kanë parë njerëz të humbasin jetën.

Ne do të vlerësojmë komunitetin shqiptar në Mbretërinë e Bashkuar dhe do të mirëpresim çdo shqiptar që udhëton në Mbretërinë e Bashkuar ligjërisht dhe kontribuon në shoqërinë britanike.

Sidoqoftë, realiteti është se ne po shohim aktualisht një numër të madh shtetasish shqiptarë që rrezikojnë jetën e tyre për të bërë udhëtime të rrezikshme dhe të paligjshme në Britaninë e Madhe dhe kjo ngarkon sistemin e azilit”.

Zëdhënësi shtoi se zoti Sunak po pret me padurim ‘diskutimet konstruktive’ me zotin Rama për imigracionin e paligjshëm këtë pasdite”, tha zëdhënësi i Kryeministrit./ Top Channel