Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Aktualiteti

Publikoi videon e drejtuesit të TV-së duke ngacmuar një të mitur, gazetari: I ka filmuar vetë, duhet të bllokohen kamerat e zyrës së tij

Publikoi videon e drejtuesit të TV-së duke ngacmuar një të

Prej disa ditësh gazetari, Telnis Skuqi, ka publikuar një video që ka tronditur Gjirokastrën dhe jo vetëm. Në videon në fjalë, drejtuesi i televizionit lokal “ALPO RTV”, Aristotel Petro, shfaqej teksa prekte në zona intime një vajzë të mitur.

Ditën e djeshme në emisionin “Shqipëria Live”, Petro pranoi se ai ishte në video, por hodhi poshtë se ka ngacmuar seksualisht vajzën në fjalë. Sipas tij, e gjitha ka qenë një kurth.

Kjo temë u rikthye sërish në puntatën e sotme të “Shqipëria Live”, ku në një lidhje të drejtpërdrejtë ishte edhe nëna e vajzës, e cila tha se e ka kallëzuar në polici drejtorin e televizionit lokal.

Petro edhe sot hodhi poshtë në mënyrë kategorike se ka ngacmuar vajzën, madje u shpreh se ka video të tjera më të forta, ku ajo vajzë ngacmohej seksualisht nga të tjerë.

Ndërkohë gazetari që ka publikuar videon në fjalë, Telnis Skuqi, u shpreh se është vetë “drejtuesi i televizionit lokal “ALPO RTV” që i xhiron videot.

“Ai vetë i ka xhiruar videot. Prandaj them që të bllokohen të gjitha xhirimet e kamerave të zyrës së tij. Prindërit e vajzave që janë në videot e tjera nuk pranojnë që të bëhen publike. Gjirokastra është qytet i vogël, kanë frikë”, tha Skuqi.

Gazetari u shpreh se është shumë i sigurt në ato që thotë, pasi ky është një investigim shumë i gjatë.

“Jam i gatshëm që t’ia jap Prokurorisë të gjitha videot që kam, nëse mi kërkon”, përfundoi gazetari.

 

Denonco

Keni informacion në interes të publikut? Dërgojeni në Shqip duke klikuar këtu.

Poll

Zgjedhje 2021

Ndiqni të gjitha lajmet e fundit
në rrjetet tona shoqërore