Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Aktualiteti

Plagosja e biznesmenit dhe turistit/ Zbardhet krimi, në kërkim 2 vëllezërit dhe një tjetër: Ishte konflikt i çastit

Plagosja e biznesmenit dhe turistit/ Zbardhet krimi, në kërkim 2

Policia ka identifikuar dhe shpallur në kërkim autorët e sherrit me armë të ndodhur mëngjesin e sotëm në Sarandë, ku mbeti i plagosur rëndë biznesmeni Spiro Iljadhi, si dhe u plagos aksidentalisht turisti shqiptaro-amerikan Mario Jani.

Sherri në orët e parë të mëngjesit, sipas policisë ka ndodhur pas një konflikti të çastit midis autorëve të dyshuar dhe shtetasit Spiro Iljadhi, i cili ka degjeneruar në përdorimin e armëve.

Policia njofton se autorët janë Andrea Caushi, 35 vjeç Visi Caushi, 33 vjeç (vëllezër) dhe Redjan Hadëri 33 vjeç, të tre banues në Tepelenë.

Njoftimi i plotë

Zbardhet ngjarja e ndodhur mengjesin e sotëm, në lagjen Nr.1, Sarandë, ku mbetën të plagosur me armë zjarri shtetasit S. I., dhe M. J.

Identifikohen dhe shpallen në kërkim tre autorët e dyshuar të ngjarjes.

Specialistët për Hetimin e Krimeve në Komisariatin e Policisë Sarandë nën drejtimin e Prokurorisë të Rrethit Gjyqësor Sarandë, pas një pune intensive hetimore për zbardhjen e ngjarjes së ndodhur mengjesin e sotëm, kanë bërë identifikimin dhe shpalljen në kërkim të autorëve të dyshuar, shtetasit:

A. C., 35 vjeç V. C., 33 vjeç (vëllezër) dhe R. H., 33 vjeç, të tre banues në Tepelenë.

Këta shtetas, rreth orës 03:50, në lagjen Nr.1, Sarandë, në afërsi të një lokali, në bashkëpunim me njëri-tjetrin, dyshohet se kanë plagosur me armë zjarri shtetasin S. I., 35 vjeç, banues në Sarandë dhe një kalimtar të rastit shtetasin M. J., 33 vjeç, banues në Tiranë, të cilët ndodhen në spital, jashtë rrezikut për jetën.

Nga veprimet hetimore dyshohet se ngjarja ka ndodhur si pasojë e një konflikti të çastit, për motive të dobëta, midis autorëve të dyshuar dhe shtetasit S. I.

Nga ana e Policisë po punohet intensivisht për kapjen e tyre, vendosjen përpara përgjegjësisë ligjore dhe dokumentimin e plotë të ngjarjes.

Materialet iu referuan Prokurorisë së Rrethit Gjyqësor Sarandë, për veprat penale “Vrasja në rrethana të tjera cilësuese”, kundër dy ose më shumë personave e mbetur në tentative e kryer në bashkëpunim dhe “Armëmbajtja pa leje”.

Denonco

Keni informacion në interes të publikut? Dërgojeni në Shqip duke klikuar këtu.

Poll

Në Fokus

Ndiqni të gjitha lajmet e fundit
në rrjetet tona shoqërore