Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Aktualiteti

“Përveç Tires, takova mjekë dhe infermierë, s’më kërkuan para”/ Çfarë tha vajza e të ndjerës para prokurorëve

“Përveç Tires, takova mjekë dhe infermierë,

Pavarësisht pretendimeve të sanitares Tire Alldervishaj se një pjesë të parave të marra nga vajza e 58-vjeçarës që ndërroi jetë në spital prej koronavirusit i ndante me mjekët dhe infermierët e “Shefqet Ndroqit”, prokuroria nuk ka mundur të vërtetojë një gjë të tillë.

Në dosjen e prokurorisë, të siguruar nga ‘abcnews’ gjendet i gjithë komunikimi mes vajzës së të ndjerës dhe sanitares së “Shefqet Ndroqit”, që iu paraqit asaj si infermiere duke i marrë 800 000 lekë.

Gjatë bisedave ajo thotë se një pjesë të parave ia jepte mjekëve dhe infermierëve të turnit që të kujdeseshin për nënën e ndjerë, megjithatë sipas prokurorisë, të paktën në dy raste, vajza i ka takuar vetë mjekët dhe infermierët që kujdeseshin për nënën e saj.

Në dosje thuhet se vajza ka takuar një infermiere të quajtur “Bona” dhe në asnjë rast ajo nuk i ka kërkuar para për shërbimin e bërë.

Po ashtu, në dosje kalon edhe një moment kur vajza e të ndjerës takon mjekët tek lokali përballë spitalit dhe e pyet për gjendjen e nënës së saj. Në asnjë rast sipas dëshmisë së vajzës, që është pasqyruar në dosjen hetimore ata nuk i kanë kërkuar para.

E reja ka kuptuar se po mashtrohej nga sanitarja vetëm pak ditë para se nëna të ndërronte jetë, por nuk ka vepruar pasi trembej se mund t’i bënte asaj diçka të keqe teksa ndodhej në spital. 

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore