Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Aktualiteti

“Paratë i mora nga një biznesmen, jam gati të bashkëpunoj”/ Çfarë pritet të zbulojë efektivi i RENEA-s

E Shtunë 18 Mars 2023, 11:37 Gazeta Shqip

“Paratë i mora nga një biznesmen, jam gati të

Shefi i stërvitjes në repartin RENEA, Altin Morina, ka dalë para gjykatë së Tiranës ditën e sotme ku është njohur me masën e arrestit me burg. Morina u kap me 113 mijë euro në një makinë tip Audi SQ8.

Ndaj tij prokuroria ka ngritur tri akuza: pastrim parash, fshehje të ardhurash dhe shpërdorim detyre.

Morina, në deklaratën e tij para gjykatës, ka treguar se i ka marrë paratë nga një biznesmen, teksa është shprehur i gatshëm të bashkëpunojë me prokurorinë. “Paratë nuk vijnë nga aktiviteti kriminal.

I mora 20 minuta para se të arrestohesha nga një biznesmen. Paratë i mora borxh për arsye personale. Jam i gatshëm të bashkëpunoj me prokurorinë”, mësohet të jetë shprehur Morina.

39-vjeçari është prej shumë vitesh pjesë e strukturave policore. Karriera e tij ka nisur në strukturën e Agjencisë së Mbikëqyrjes Policore, ish-SHÇBA e dikurshme. Morina në vitin 2012 kaloi i oficer në komisariatin numër 3 në Tiranë.

Nga atje, karriera e tij njohu vetëm rritje, pasi më pas drejtoi komisariatin e Policisë në Ballsh. Nga Ballshi, Morina kaloi në RENEA ku ishte në detyrë deri në momentin e arrestimit.

 

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore