Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Aktualiteti

“Nga mosha 6-10 vjeçe jam abuzuar nga 1 vajzë dhe 2 djem”/ Trondit e reja: Në gjimnaz mësuesi tentoi të më përdhunonte...

“Nga mosha 6-10 vjeçe jam abuzuar nga 1 vajzë dhe 2

Një 30-vjeçare, e cila nuk ka dashur që të identifikohet, ka dhënë një intervistë për emisionin “Shqipëria Live” në Top Channel, për të rrëfyer jetën e saj të vështirë, ku është ngacmuar seksualisht që kur ka qenë 6 vjeçe.

Duke qenë se nuk ka dashur të tregojë emrin e vërtetë, gjatë intervistës iu drejtuan me emrin Ana. Kjo e fundit thotë se ka qenë 6 vjeçe kur me të janë bërë veprime të turpshme.

“Nga njerëz të rritur, jo pjesëtar të familjes, po le të themi të gjakut. E ka zgjatur deri kur bëra 10 vjeç, ata ishin të moshës 26 vjeç.

Nuk ka ndodhur vetëm një herë por disa herë, jo nga një persona por nga disa, madje ka qenë edhe një femër. Më kanë prekur, më kanë hequr rrobat. Vetëm nuk ka ndodhur akti, të gjitha tjerat kanë ndodhur”, tha Ana.

Sipas saj, kjo ka ndodhur në lagje ose e merrnin në shtëpitë e tyre.

“Nuk e dija çfarë janë duke bërë. Nuk flisja në shtëpi se kisha frikë se më rrihnin. Nuk ishim familje e bashkuar, kishte edhe dhunë”, shton e reja.

30-vjeçarja ka rrëfyer edhe rastin kur një mësues në gjimnaz ka tentuar që të abuzojë me të, por kësaj radhe ajo ka reaguar.

“Episodi tjetër nisi në gjimnaz, në vitin e parë, një mësues më thirri për pjesën që duhej të përgatitesha për një provim që kisha ngelur. Më mbylli në drejtori dhe më tha do bësh këtë, këtë. Mu afrua për të bërë gjëra të turpshme. Ulërita se mu kujtuan momentet e fëmijërisë.

Më dëgjuan shoqet dhe më në shkollë më thanë se ti je e lidhur, unë ika nga ajo shkollë. Nuk e kam ndarë me askënd këtë histori. Fillova të bëhesha shumë agresive si njeri, vetëm qaja gjatë gjithë kohës.

U rrita më shumë pasi kaluan të 20. Mendova të nisja punë, por nuk më linin, është turp. Duhet të martohesh, do të mbajë burri. Kam tentuar t’i bëj keq vetes. Kam tentuar të vras veten se nuk e kaloja dot këtë.

Kam marrë aktin ekstrem, e kam bërë dy herë. Kam pirë ilaçe aq shumë sa dy ditë nuk mbaj mend asgjë. Kur nisa punë, familja nuk donte dhe bënin çdo gjë të lija punën. Madje as nuk më flisnin dhe më përbuznin. Por unë punova dhe mbarova shkollën”, ka rrëfyer 30-vjeçarja.

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore