Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Aktualiteti

Në Stamboll vijon gjyqi për "boss-in" e kriptomonedhave që u kap në Shqipëri, kërkohen 40,562 vite burg

Në Stamboll vijon gjyqi për "boss-in" e kriptomonedhave

Në Turqi është duke vijuar seanca gjyqësore në ngarkim të atij që është cilësuar si “bosi” turk i kriptomonedhave Faruk Fatih Özer. Ai u arrestua në Vlorë më 30 gusht 2022 dhe mediat në vend raportojnë se në Stamboll është mbajtur seanca e tretë gjyqësore ku është dëgjuar pala mbrojtëse.

Zyra e prokurorisë kërkon që pronari Thodex, monedhës virtuale turke, të dënohet me 40, 562 vite burg për 3 krime.

Kujtojmë se Turqia kërkon ekstradimin e tij ndërkohë që në Shqipëri, Gjykata e Elbasanit ka vendosur për të më 2 shtator 2022 masën e sigurisë arrest me burg. Kurse Ozer i ka mohuar akuzat dhe ka shtuar se ky që po i bëhet është një sulm politik.

Faruk Fatih Özer u arratis nga Turqia me 2 miliard dollarë, të cilat i kishte fituar duke mashtruar dhjetëra mijëra turq, të cilët kishin investuar paratë e tyre në monedhën virtuale turke “Thodex”. Ai kishte mashtruar rreth 360 mijë përdorues të kompanisë së tij, ‘Thodex’.

Ai rezultoi të ishte futur në Shqipëri nga pika e kalimit kufitar të Rinasit më 20 prill të vitit të shkuar, ndërkohë që dolën dhe pamje filmike nga momenti kur u akomodua në një prej hoteleve të kryeqytetit, nga një shtetas shqiptar, i cili ka deklaruar se nuk ishte në dijeni të veprës penale që kishte kryer biznesmeni turk. 

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore